بلوچ لبریشن آرمی ءِ جارکش جیئند ءَ ماں رسانکدر ءَ وتی شنگ کرتگیں درشانےءَ گوشتگ کہ جتا جتائیں جاھانی ارشانی زمہ واری من اتگ ءُ گوشتگ کہ بی ایل اے ءِ سرمچاراں کولپور، زھری،زامران، کلات ءُ ھب ءَ ھپت جتائیں کاروائیاں زورگریں پاکستانی لشکر،دمگدار ءِ گاڑی، کمک دمگدار ءِ کارگس ءُ پولیس تانہ نشانگ کرتگ ءُشھدگ بستگ ءُلشکر چوکی دستیگ کرتگ، لٹ ءُ پلی شوربندی تباہ کرتگ۔
آئی ءَ گوشتگ کہ بی ایل اے ءِسرمچاراں دوشی کولپورءَ شپ ءِ ھشت ءَ داں یازدہ ءَ شھدگ بستگ ءُ سرمچاراں گاڑی پٹ ءُ پول کرتگ اَنت۔
جارکش ءَ گوشتگ کہ ھمے میان ءَ سرمچارانی یک ٹولی یے ءَ شھدگ ءِ سر ءَِ برجاھیں لیویز ءِ چوکی دستیگ کرتگ ءُ اود ءَ ساڑی ئیں چار کارمند دزگیر کرتگ رند ءَ بلوچ بوگ ءِ بنیاد ءَ یل داتگ اَنت ءُ لشکری کارمندانی سے سی تیری پل اتگ۔
آئی ءَ گوشتگ کہ سرمچارانی سیمی ٹولی ءَ ھمے جاہ ءَ دگ کارکنوکیں شرکت ءِ درسیں مشین ءُ سامان مانداشتگ اَنت۔
جارکش ءَ گوشتگ کہ مرچی بیگاہ ءَ بی ایل اے ءِ سرمچاراں زھری چمگ ءَ دمگدار ءِ گاڑی گوں چیر کرتگیں شورھاں نشانگ کرتگ۔ دمگدار ءِ گاڑی ھما وھد ءَ نشانگ کرتگ کہ آ چہ ھزدار شھر ءَکیو آر ایپ ءِھمراھی ءَچوکیاں تر ءُ گرد کنگ ءَ بیتگ۔
آئی ءَ گوشتگ کہ بی ایل اے ءِ سرمچاراں 8 جنوری ءَ زامران ءِ ھند کنٹگان ءَ چیرکرتگیں شورھانی ارش ءَ زورگریں پاکستانی لشکر ءِ پیادگیں کارمند نشانگ کرتگ اَنت، ایشی آسر ءَ یک کارمندے جاھی مرتگ۔
جارکش ءَ گوشتگ کہ بی ایل اے ءِ سرمچاراں دگہ یک کاروائی یے ءَ سے شمبے ءِ شپ ءَ کلات شھرءَ کمک دمگدار ءِ کارگس گوں دستی بمب ءَ نشانگ کرتگ، ایشی آسر ءَ کارگس ءَ ماڑی تاوان بیتگ۔
آئی ءَ گوشتگ کہ بی ایل اے ءِ سرمچاراں دوشی ھب شھر ءَ پولیس تانہ ءِ مزنیں دروازگ ءِ دپ ءِ پھازداریں کارمند گوں دستی بمب ءِ نشانگ کرتگ اَنت۔
