کیچ: سیاسی ءُ چاگردی کارکن وسیم سپر ءَ گوشتگ کہ داں بلوچ رازی مہ بیت زوراک ءِ دیمروئی شوربندی ءُ باپاری بلوچ دژمنی، کشت ءُ کوش، چکچینی ءُ لٹ ءُ پل زانگ بنت۔
آئی ءَگوشتگ کہ پہ بلوچ ءَا بید گھگیری کنگ ءَ دگہ ھچ راہ پشت نہ کپتگءُ بلوچ چکچینی تیز کنگ بوگ ءَ اِنت۔ انوں مکران ءَ سدانی کچ ءَ مردم بے میار ءَ بیگواہ کنگ بیتگ۔ زور بیگواھیں مردمانی کھول سکیں سارتی ءِ سر ءَ پہ وتی مردمانی پد جنگ ءَ نشتگ اَنت۔ ریاست ءُ ریاستی ادارہ وش اَنت کہ بلوچ تکانسر بہ بیت۔ اے وھد ءَ تربت شال سی پیک دگ ھیرونک ءَ بند اِنت۔ بلوچستان ءِ تیاب دپی شھر گوادر ءِ ھند جیمڑی کھولاں بند کرتگ ءُ نشتگ اَنت۔ کامریڈ وسیم سپر ءَ گوشتگ کہ ڈنی باپار پہ دیمروئی ءِ نام ءَ بلوچ راج ءِ چکچینی ءَ کنگ ءَ اَنت۔ اے وھد ءَ لٹ ءُ پلیں زورگر چین ءُ پاکستان ھواری ءَ پہ باپاری ءِ نام ءَ بلوچ ءِ چکچینی ءَ کنگ ءَ اَنت۔ نوں ارب ڈیھ سئودی ارب پہ باپاری ءِ نام ءَ بلوچ چکچینی ءَ پاکستان ءِ گون ءَ ھوار بوگ ءَ اِنت۔ اے جنگ آچیں دمگ ءَ کجام ھم ڈیھ پہ دیمروئی شوربندی ءُ باپاری ءِ نیمون ءَ گوں پاکستان ءَ ھوار بوت گڑا بلوچ چکچینی ءُ لٹ ءُ پل ءَ یک وڑ ءَ شریدار لیکگ بی
