بلوچ نیشنل موومنٹ ءِپیشیگیں سرکماش ھلیل بلوچ ءَ میرسپیر بلوچ ءَگل ءِھوار بوگ ءَ وش اتک کرتگ ءُ گوشتگ کہ گل ءِھکی ئیں زور گوں آئی کارکن ءُمچی جھد ءَ بندوک اِنتءُ میر سپیر ءِ وڑیں تجربہ کاریں سروکانی ھوار بوگ الم اے جھد ءَمزن کنت ءُتوانےبکش ایت۔
آئی ءَ گوشتگ کہ میر سپیر بلوچ، راجی زرمبشت ءِ تہ ءَ یک سروکے ءِ بستار ءَمزنیں وھدے گوازینتگ ءُزرمبشت ءِ تہ ءَ گرم ءُ سرد ءُ جھلی ءُ برزی درس دیستگ اَنت، آئی سیاسی بودناکی ءُتجربہ راجی جھد ءَ جوانیں کردے پیلو کن اَنت۔
ھلیل بلوچ ءَ گوشتگ کہ میر سپیر ءِ کردی جھد ، سیاسی بودناکی ءُ راھبندی لیکہ پہ مئے گلءِ جھد ءَ یک جوانیں رنگے کار اَنت۔ زرمبشت ءِ ھکی ئیں توان گوں ھواریں جھد ءُدرسیں کارکنانی دیمونیاں بندوک اِنت۔
آئی ءَگوشتگ کہ بلوچ نیشنل موومنٹ ءِ لیکہ ءُ گلءِ بنیاد گوں ھمک مردم ءِ مچی جھد ءَ ھمگرنچ اِنت، اد ءَھمک کارکن ءِ جپاکشی ءُ کرد درکار اِنت۔ میر سپیر بلوچ ءِھواری مارا ھمے گپ ءِ ترانگ ءَ دنت کہ مئے جھد مردمانی بنیاد ءِ سر ءَ نہ اِنت بلکیں گوں مردمانی مچی ءَ اِنت ءُمارا گوں ھمے جوزگ ءَ دیم ءَ جنزگی اِنت۔
ھلیل بلوچ ءَ گوشتگ کہ میر سپر بلوچ ءَ یکبرے پد ءَ گوں دل ءِ جھلانکیاں وش اتک کنان ءُ ھمے دوا ءَ لوٹ آں کہ آئی اے گامگیج پہ پارٹی ءُزرمبشت ءَگیشتر سوبمندی ءُتوکل ءِ سوب جوڑ بیت۔
