بلوچ لبریشن آرمی ءِجارکش جیئند بلوچ ءَ ماں رسانکدر ءَ وتی شنگ کرتگیں درشانے ءَ زامران ءَ پاکستانی لشکر ءِ سر ءَ بمب ارش ءِ زمہ واری من اتگ ءُ گوشتگ کہ بی ایل اے ءِ سرمچاراں کیچ ءِ ھند زامران ءَ زورگریں پاکستانی لشکر گوں چیرکرتگیں شورھاں نشانگ کرتگ ءُ باز تاوان داتگ۔
جارکش ءَ گوشتگ کہ سرمچاراں زامران ءِ ھند پوگنزان ءَ زورگریں لشکر ءِ کاروان ءَ ھواریں یک گاڑی یے گوں چیرکرتگیں شورھاں ھما وھد ءَ نشانگ کرتگ کہ آ سِگاوان چوکی ءِ راشناں برگ ءَ بیتگ۔ تراک ءِ آسر ءَ دژمنیں لشکر ءِ پنچ کارمند جاھی مرتگ ءُ دو سک ٹپی بیتگ ءُ گاڑی سرجم ءَ تباہ بیتگ۔
