بلوچستان لبریشن پرنٹ ءِ جارکش میجر گھرام ءَ ماں رسانکدر ءَ وتی شنگ کرتگیں درشانےءَ گوشتگ کہ سرمچاراں بارکان ءُ کوھلو ءَ زورگریں پاکستانی لشکر ءِ چوکی گوں نوک ءُ مزنیں سلاھاں نشانگ کرتگ اَنت، چہ بارکان ءَ کوھلو ءَ روکیں شھدگ بند کرتگ ءُ گاڑی پٹءُ پول کرتگ اَنت۔
آئی ءَ گوشتگ کہ سرمچاراں شش جنوری، دوشمبے ءِ بیگاہ ءِ چار ءَ رڑکھن،بارکانءَ شم ءَ برجاھیں پاکستانی لشکر ءِچوکی گوں راکٹ لانچر ءُ آدگہ نوک ءُ مزنیں سلاھاں نشانگ کرتگ ایشی آسر ءَ زورگریں لشکر ءَ جانیءُ مالی تاوان بیتگ۔
جارکش ءَ گوشتگ کہ دو می ارش کوھلو ببر ٹک ءَزی بیگاہ ءِ چار ءُ نیم ءَ کرتگ، اود ءَ سرمچاراں زوگریں پاکستانی لشکر ءِ چوکی گوں راکٹ لانچر ءُ آدگہ مزنیں سلاھاں نشانگ کرتگ ایشی آسر ءَ لشکر ءَ جانی ءُ مالی تاوان بیتگ۔
آئی ءَ گوشتگ کہ زی بیگاہ ءِپنچ ءَ داں ھپت ءِ میان ءَ سرمچاراں چہ بارکان ءَ کوھلو ءَ روکیں شھدگ سرجمءَ بستگ ءُ پٹ ءُ پول کرتگ۔
میجر گھرام ءَ ارشانی زمہ واری من اتگ ءُ گوشتگ کہ داں زورگریں لشکر ءِ درآھگ ءَ لشکر ءُ آئی شوربندیاں نشانگ کن ایں۔
