بلوچ راجی سروک ءُ بلوچ نیشنل موومنٹ ءِ پیشگیں سرکماش ھلیل بلوچ ءَ وتی درشانی ءَ گوشتگ کہ مرچی پارٹی ءَ کلانھیں سروک ءُ چہ سالاں پاکستانی لشکر ءِ دست ءَ زور بیگواھیں داکٹر دین مھمد ءِ جنک سمی دین مھمد ءِ سر ءَ پاکستانی لشکر ءِ چیریں ادارھانی کارمنداں ارش کنگ ءِ جھد کرتگ۔ ارشکاراں سلاہ گون بیتگ ءُآیانی مول بلوچ جھد ءِ یک مھکمیں توارے، پہ مدامی بے توار کنگ بیتگ۔
آئی ءَ گوشتگ کہ لس مردماں توکل کرتگ ءُ ارشکار جاھی گپتگ۔ اے ویل نہ تیوک ءَریاستی زوراکی ءُ پندلاں پدر کنت بلکیں مردمانی تہ ءَ ھم سنتی ءُ وتی سیاسی ءُ مردمی ھکانی کارکنانی پھریزگ ءَ ھم پیش دار ایت۔آئی ءِ سر ءَ اے ارش ءِ جھد ھمے گپ ءِ منانک اِنت کہ زورگر چہ بلوچانی گھگیری ءَ ترس ءِ آماچ اِنت ءُ پہ آیانی دارگ ءَ داں گُڈّی ھدّ ءَ روت۔ ھلیل بلوچ ءَ گوشتگ کہ ما اے ارش ءَ گوں ترندیں دانکاں ایر جن ایں ءُ پاکستان ءَ تچکی ءَ گوش ایں کہ بلوچ راج وتی ھستی ءِ جھد ءَ پرکاریں سیاسی کارکنانی بگیری ءَ ھر پیمیں پندلاں بے سوب کنت۔ اے وڑیں ویل مئے توکل ءَ پروش دات نہ کن اَنت بلکیں چہ ایشی ءَ مئے جھد ءِ راہ ءَ گیشتر مھ
