بلوچ نیشنل موونٹءِ سرکماش ڈاکٹر نسیم بلوچ ءَ وتی وش اتکی درشانے ءَ کلانھیں سیاسی سروک ءُ بلوچ اسٹوڈنس آرگنائزیشن ءِ پیشیگیں کارگشاد، نبشتہ کار ءُ بلوچ آجوئی لوٹوکیں دیریگیں ھمبل میر سپیر بلوچ ءَ بی این ایم ءَ ھوار بوگ ءَ وش اتک کرتگ۔
آئی ءَ وتی وش اتکی درشان ءَ گْوشتگ کہ میر سپیر بلوچ ءِ بی این ایم ءَ ھوار بوگ پہ جھد ءَ جوانیں دیمروئی یے، ءُ ما سدکیں کہ آئی مزن پگری، تجربہ ءُ سیاسی رھشونی پہ زرمبشت ءَ جوانیں گامگیجے بیت۔
ڈاکٹر نسیم ءَ گْوشتگ کہ میر سپیر ءِ وڑیں ھمبلاں بلوچ آجوئی زرمبشت ءِ گْرانیں راہ ءَ مزنیں پند بُر اِتگ ءُ آئی چکاس ءُ زانت ءِ پولکاری ءُ ھورتچاری وت مزنیں ارزشتے دار اِیت۔ آئی سیاسی لیکہ ءُ زانت ءُ چکاس اے راہ ءَ جوانیں کُمکے کنت۔
آئی ءَ دیمتر ءَ گْوشتگ کہ مارا درساں وتی ھواریں جُھد مھکم کنگ ءُ یک نوکیں ادارھے ءِ گون ءَ پہ سوبنمندی ءِ نیمگ ءَ برگ ءَ کار کنگ ھژدری اِنت۔ میر سپیر بلوچ ءِ ھوار بوگ ءِ گون ءَ ما سدکیں کہ ما پہ بلوچ راجی آجوئی ءَ توار چست کنگ ءَ گیشتر سوبین بہ اِیں ءُ راجی آجوئی راہ ءَ یک گامے ءَ دیم ءَ جنز اِیں۔
