کیچ، پنجگور: تُمپ ءَ بی این ڈی پی ءُ پنجگور ءَ بی وائی سی ءِ چیردستی ءَ شھید زریپ ءُ شھید نوید ءِ ناھکیں کوش ءِ بگیری ءَ زھرشانی روانک کشک بیتگ۔ روانکاں مردماں سک باز بھر زُرتگ ءُ میاربارانی دزگیر کنگ ءُ سزا دیگ ءِ لوٹ کُرتگ۔
آیاں پاکستانی لشکر ءِ زوراکیانی بگیری ءَ اوگام جتگ ءُ گْوشتگ کہ بلوچستان ءَ ریاستی ادارھانی نیمگ ءَ زوراکی یکشل ءَ برجاہ اِنت، ھمک روچ یک نوکیں ویلے دیم ءَ کیت۔ بس ھمے گوشگ بیت کہ پاکستانی لشکر ءَ مردمے آوار جتگ ءُ بیگواہ کرتگ یا ورنایے ناھک ءَ شھید کنگ بیتگ۔
آیاں گوشتگ کہ ھمے ریاستی لشکر ءِ زوراکیانی سوب اِنت کہ مردم چہ وتی گساں در پہ در ءُھمک روچ زھرشانی کنگ ءَ گندگ بنت۔ اے وھد ءَ زمستان ءِ سارتی ءَ زریپ اومر ءُ نوید ء ھمید ءِ کھول تربت ءَ زھرشانی کنگ ءَ اَنت۔ ھمے ریاستی زوراکیانی سوب ءَ سی پیک دگ بند اِنت ءُ اد ءَ ھم کسانیں زھگ، مات ءُ گھار سارتی ءِ سر ءَ کپتگ اَنت۔
