تربت: بلوچ چکچینی ءُ زوربیگواھی ءِ بگیری ءَ کیچ ءِ دو جتاھیں جاھاں زھرشانی برجاہ اِنت۔
بلوچ یکجھتی کمیٹی ءِ نیمگ ءَ شھید زریپ اومر ءُ شھید نوید ھمید ءِ ناھکیں کوش ءِ بگیری ءَ آیانی کھولاں ڈی بلوچ ءَ زھرشانی کرتگ ءُ شھدگ بند کرتگ۔ ھمے وڑ ءَ ھوشاپ ءَ زوربیگواھیں زمان ءُ ابولھسن ءِ کھولانی زھرشانی برجاه اِنت۔
شھید زریپ ءُ نوید ءِ کھولاں ھوار زوربیگواھیں مردمانی کھولاں یک ھپتگے بیت که تربت ءَ شھید پدا چاراه ءَ زھرشانی ءَ بیتگ اَنت بلے مرچی ڈی بلوچ ءَ اتکگ ءُ زھرشانی ءَ نشتگ انت۔
چه کھولانی زھرشانی ءَ سی پیک پہ روگ ءُ آھگ ءَ بند کنگ بیتگ۔ دوئیں نیمگاں مساپر جنجالانی دیمپان اَنت۔دومی نیمگ ءَ کھولانی گْوشگ اِنت کہ سرکار اے جیڑھانی گیش ءُ گیوار کنگ ءَ نہ لوٹ ایت پمشکا سرکار ءِ نیمگ ءَ کس مئے گون ءَ پہ گپ ءُ تران کنگ ءَ نیاتکگ۔
