بلوچستان لبریشن پرنٹ ءِ جارکش میجر گھرام ءَ ماں رسانکدر ءَ وتی شنگ کُرتگیں درشانے ءَ گْوشتگ کہ سرمچاراں کیچ ءِ ھند بلیدہ ءَ کشندہ ٹولی ءِ کارمند ھلیم ء سلیم تیرگْواری کُرتگ ءُ کُشتگ۔
جارکش ءَ گْوشتگ کہ سرمچاراں سی ءُ یک دسمبر ءِ روچ ءِ دوازدہ ءَ الندور بلیدہ ءَ تیرگْواری کُرتگ ءُ کشندہ ٹولی ءِ کارمند ءُ ریاست ءِ چریک کُشتگ۔اے راجی میار بار باجو بیتگیں سرمچار ءِ کشندہ ٹولی ءِ کارمند ناسر پنام بھرام ء ابدُلکریم ءِ چیردستی ءَ کار ءَ بیتگ، دمگ ءِ تہ ءَ بلوچ پُسگانی شھید کنگ،دُزی ءُ ڈُنگیاں ھوار دگہ چاگردی سلکاریاں تچکی ءَ ھوار بیتگ۔
آئی ءَ گْوشتگ کہ ایشی ءِ ھواری ءَ دگہ یک لس بلوچے ایاز ء نبی بکش ٹپی بیتگ، ما چہ آئی ءِ کھول ءَ ھمدردی درشان کن ایں،بلے ما مدام گْوشتگ کہ پاکستانی لشکر، آئی ءِ جوڑ کُرتگیں کُشندہ ٹولی ءُ کمکاراں وت ءَ دور بہ دار اِت کہ سرمچار ھرکجا ءُ ھر وھد ءَ آیاں نشانگ کن اَنت۔
جارکش ءَ گْوشتگ کہ راجی میاربار ھلیم ءِ کوش ءَ پد سرمچاراں آئی ءِ توپک ھم گوں وت بُرتگ۔
آئی ءَ گْوشتگ کہ اے ٹولی ءِ سروک ءُ ھمراھانی سر ءَ مئے انٹیلیجنس نیم ءَ وتی چم سک داتگ اَنت ءُ زوت نشانگ کنگ بنت۔
بلوچستان لبریشن فرنٹ ءَ ریاست ءِ چریک ءِ کوش ءِ زمہ واری منّ اِتگ ءُ گْوشتگ کہ ما دُرسیں کشندہ ٹولی ءِ کارمند ءُ چاریگاں کڈن کن ایں کہ آ وتی سلکاریاں بس بہ کن اَنت اگاں نہ گڑا نشانگ کنگ بنت۔
