بلوچستان لیبرشن پرنٹ ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ آواران ءُ کیچ ءَ پاکستانی لشکر ءِ سر ءَ اُرشانی زمہ واری منّ اِتگ ءُ گوشتگ کہ سرمچاراں 30 دسمبر ءَ روچ ءِ اَدار دو ءَ آواران ءِ ھند راھی شم ءَ پیسر ءَ سنگر گپتگ ءُ گوں نوکین ءُ وتکاریں سلاھاں پاکستانی لشکر ءِ کاروان ءِ سر ءَ ترندیں اُرشے کرتگ۔ اُرش ھمینچو تْرند بیتگ کہ دژمن ءَ وتی رکینگ ءُ گھگیری ءِ موکل نہ رس اِتگ۔ چہ ایشی ءَ زورگریں لشکر ءِ پنچ کارمند جاھی مرتگ ءُ باز ٹپی بیتگ۔
جارکش ءَ گوشتگ کہ پاکستانی لشکر ءِ نشانگ کنگ بیتگیں کاروان پہ لشکرکشی ءَ کوہ ءَ پُترگ ءَ بیتگ کہ گل ءِ انٹیلیجنس ٹیم ءَ سرمچار ھال داتگ کہ بی ایل ایپ ءِ جتائیں ٹیماں ھواری ءَ اُرش کُرتگ۔
آئی ءَ گْوشتگ کہ اے اُرش ءَ پد زورگریں لشکر ءَ کندھار دپ ءَ سرمچارانی اَنگرّ ءَ کنگ ءِ جھد کرتگ۔کہ سرمچاراں اَنگِر ءِ پروشگ ءَ دژمن ءِ گون ءَ جنگ داتگ کہ چہ ایشی ءَ زورگریں لشکر ءِ دگہ سے کارمند مُرتگ ءُ باز ٹپی بیتگ، ءُ بازیں کارمند چہ جنگ ءِ پڑ ءَ تچگ ءَ لاچار بیتگ اَنت۔
میجر گھرام ءَ گشتگ ھمے وڑ ءَ دگہ یک اُرشے ءَ 29 دسمبر ءَ شپ ءِ اَدار ھشت ءُ نیم ءَ کیچ ءِ بنجاھی شھر تربت، آپسر ءَ گوں راکٹ ءُ وتکاریں سلاھاں زورگریں پاکستانی لشکر ءِ بنجل ءِ سر ءَ اُرش کرتگ کہ چہ ایشی ءَ زورگریں لشکر ءَ جانی ءُ مالی تاوان بیتگ۔
جارکش ءَ گوشتگ کہ بی ایل ایپ ءَ نوکیں وھد ءِ لوٹانی بنیاد ءَ وتی جنگی رِپک ءُ راھبند نوک کرتگ اَنت ءُ اِے راھبندانی سر ءَ گلّ ءِ انٹیلی جنس بھرگ، اسنائپر ٹیکٹیکل ٹیم ءُ کربان یونٹ کار ءَ اَنت ءُ دژمن ءِ سر ءَ ھما وڑ ءَ اُرش کن اَنت کہ آئی ءَ اِے اُرشانی گمان ھم مہ بیت۔ آیوکیں وھد ءَ پاکستانی لشکر ءُ آئی ءِ شوربندیانی سر ءَ سرجمین ءُ ترندیں اُرش کنگ بیت داں آئی ءِ زور ھلاس ءُ مئے مول ءُ مراد سرجم بہ بنت۔
آواران اُرش ءِ تامر زوت ماں رسانکدر ءَ شنگ کنگ بیت،تامُر ءِ تہ ءَ زورگریں لشکر ءِ مُرتگ ءُ ٹپی بیتگیں کارمند شری ءَ گندگ بنت۔
میجر گھرام ءَ گوشتگ کہ مئے اُرش داں بلوچستان ءِ آجوئی ءَ زورگریں لشکر ءِ سر ءَ برجاہ بنت۔
