گوادر: جیمُڑی پانوان ءَ پاکستانی لشکر ءَ پانزہ مردم آوار جتگ ءُ بیگواہ کُرتگ، بیگواہ کُرتگیں مردمانی نام انگت زانگ نہ بیتگ اَنت،اے بابت ءَ ما گیش جُست ءُ پد کنگ ءَ ایں۔
جیمُڑی ءَ گْوستگیں روچ ءَ دو جاہ ءَ پاکستانی لشکر ءِ سر ءَ اُرش کنگ بیتگ اَت کہ دوئیں اُرشانی زمہ واری بی ایل اے ءَ زُرتگ اِت اَنت۔دوئیں اُرشاں لشکر ءَ جانی تاوان بیتگ اَت۔
دومی نیمگ ءَ وڈّ ءَ دو لاش دزکپتگ،یکے ءِ نام مکتیار اھمد ء ابراھیم نوھکزئی اِنت ءُ دومی ءِ نام مجیب الرھمان اِنت۔
ھنچو گْوشگ بیگ ءَ اِنت کہ مکتیار ءَ پنچ روچ پیش پجار نہ بیتگیں سلاہ بندیں مردماں آوار جتگ ءُ بُرتگ ءُ مرچی آئی ءِ تیر سُپتگیں لاش دزکپتگ۔
مجیب الرھمان ھم پنچ روچ پیش آوار جنگ ءَ پد تیر جنگ ءُ کُشگ بیتگ، لیویز ءَ لاش دزگپتگ اَنت، ھژدری چار ءُ ٹپاس ءَ پد کھول ءِ دست ءَ داتگ اَنت۔
