بلوچستان لیبریشن پرنٹ ءِ جارکش میجر گھرام ءَ وتی شنگ کرتگیں درشانے ءَ مند ءَ کشنده ٹولی ءِ کارمند مسلم ءُ پنجگور ءَ سرکاری چریک رزاک ءِ کوش ءِ زمه واری من اتگ.
میجر گھرام ءَ گوشتگ بی ایل ایپ ءِ سرمچاراں بیست ءُ چار دسمبر ءَ پنجگور ءِ ھند سرادوک ءَ تیرگواری کرتگ ءُ سرکاری چریک رزاک ء مولابکش کشتگ. کشگ بیتگیں چریک لگوریں کلیم الله ء مستری مھمدجان ءِ سروکے ءَ کار ءَ بیتگ. آئی ءَ کوھی دمگانی نندگ ءِ سوب ءَ اِے ھند ءِ سرجمیں راه ءُ دگ زانتگ اَنت.
جارکش ءَ گوشتگ سرکاری چریک رزاک 2015 ءَ پنجگور سمنج ءَ شھید اکرام ءُ 2021 ءَ بی ایل ایپ ءِ سرمچار شھید ناسر پنام ء سوپی ءُ شھید آدل پنام ء کمبر ءِ شھیدی ءَ پاکستانی لشکر ءِ کمکاری ءَ ھوار بیتگ. گلّ ءَ آئی ءِ سلکاریانی بابت ءَ آئی ءِ پت ءُ برات کڈن کرتگ اَت بلے آئی ءَ وتی کار بند نه کرتگ. ما گوں آئی ءَ ھواریں آ دگه مردماں زان ایں ءُ زوت آیاں نشانگ کن ایں.
میجر گھرام ءَ گوشتگ دومی کاروائی ءَ 26 دسمبر ءَ مند کهنک ءَ مئے سرمچاراں تیرگواری کرتگ ءُ کشنده ٹولی ءِ کارمند ءُ لگور بیتگیں سرمچار مسلم ء نزیر کشتگ.
آئی ءَ گوشتگ مسلم ء نزیر مند کهنک ءِ جھمنند اِنت ءُ آئی ءَ 2019 ءَ پاکستانی لشکر ءِ دیم ءَ سلاه چگل داتگ ءُ لگور بیتگ. آ چه لگور بیگ ءَ پد پاکستانی لشکر ءِ کمکارے جوڑ بیتگ ءُ بلوچانی شھیدی ءُ زوربیگواھی ءَ تچک ءَ ھوار بیتگ. چه اِشاں ابید ائی ءِ دست چاگردی سلکاریاں ھم مان بیتگ.
جارکش ءَ گوشتگ که لگور بیتگیں مسلم چه گل ءِ نیمگ ءَ باز رند ءَ کڈن کنگ بیتگ که گل ءِ بگیری ءَ وتی کاراں بند به کنت بلے آ چه اِے کاراں دزکش نه بیتگ ءُ بلوچ جھدکارانی کھول ءِ مردمانی زوربیگواھی ءَ زورگریں لشکر ءِ کمکارے ءَ تچکی ءَ ھوار بیتگ.
میجر گھرام ءَ گوشتگ آئی ءَ مند ءِ جتائیں جاهاں گوں پاکستانی لشکر ءَ هوار بیتگ. آئی ءَ چه لشکر ءِ نیمگ ءَ سلاه ءُ سامان دیگ بیتگ که بلوچ جھدکارانی بگیری ءَ ھوار دُزی ، منشیات ءُ مردماں باج به گیپت.
جارکش ءَ گوشتگ گل ءِ سرمچاراں آئی ءِ موبائل ءُ سامان ءُ دست ھم کپتگ اَنت که چه ایشی ءَ گوں مسلم ءَ ھواریں کشنده ٹولی ءِ کارمند ءُ کمکار زانگ بیتگ اَنت اِے بابت ءَ گل ءِ چیریں اداره کار ءَ اِنت ءُ زوت وتی گڈی آسر ءَ سر کنگ بنت.
آئی ءَ گوشتگ که بی ایل ایپ دوئیں سرکاری چریکانی کوش ءِ زمه واری ءَ منّ ایت ءُ آ دگه کشنده ٹولی ءِ کارمند ءُ چریکاں ھم کڈن کنت که چه وتی کاراں دزکش به بنت اگاں نه آ ھم کشگ بیتگیں چریکانی آسر ءَ سر بنت.
میجر گھرام ءَ گوشتگ که سرکاری کمکار په سرمچارانی رندگیری ءَ لس مھلوک ءِ دروشم ءَ کوھی دمگاں کاینت تر ءُ گرد کن اَنت ھمے واستا ما گوں لس مھلوک ءَ دزبندی کن ایں که کوھی دمگاں په شکار ءُ پکنک ءَ پھریز به کن اَنت گڑا رند ءَ وتی جان ءُ مال ءِ زمه وار وت اَنت.
