ھب چوکی: انسانی ھکانی کارکن راشد ھسین ءِ زوریں بیگواھی ءَ شش سال سرجم بوگ ءَ کھول ءِ نیمگ ءَزھرشانی روانکے کشگ بیتگ۔ روانک ءَ زوربیگواھیں مردمانی کھول، سیاسی ءُ چاگردی کارکناں ھوار جتائیں بھرگاں سیادی داروکیں مردماں بازیں کچے ءَ بھر زرتگ۔
زھرشانی کنوکیں مردماں بینر، پلے کارڈ، زوربیگواھیں راشد ھسین ءِ اکس دستاں بیتگ اَنت ءُ آیاں راشدھسین ءَ ھوار پہ درسیں بیگواھیں مردمانی آجوئی ءُ زوریں بیگواھیءِ بند کنگ ءِ لوٹ کرتگ۔
آیاں تران کرتگ ءُ گوشتگ کہ انسانی ھکانی کارکن راشد ھسین 2018 ءَ چہ دبی ءَ آوار جنگ ءُ بیگواہ کنگ بیتگ آئی زوریں بیگواھی ءَ مرچی شش سال سرجم اِنت کہ انگت ءَ ھچ وڑیں ھال نیست۔
کھول ءِ گوشگ اِنت کہ راشد ھسین 2017 ءَمزن ھور ءَ شتگ ءُ جاہ منند بیتگ، چہ اود ءَ آوار جنگ ءَ پد داں شش ماہ ءَ دبی ءَ بیگواہ بیتگ ءُ پد ءَ در کانودی پاکستان ءِ دست ءَ دیگ بیتگ۔چہ پاکستان ءِ دست ءَ دیگ ءَ پد آئی ھچ وڑیں ھال نیست۔
آئی ءَ گوشتگ کہ ما پہ راشد ھسینءِ آجوئی ءَ بلوچستان ءُ اسلام آباد آمیدگس ءِ ھواری ءَ پہ زور بیگواھیں مردماں جوڑ بیتگیں کمیشن ءَ ھم آئیءِ کیس یاداشتگ کرتگ بلے چہ آیانی نیمگ ءَمارا انگت ءَ ھچ وڑیں پسو رسگ ءَنہ اِنت۔
