بلوچستان لبریشن پرنٹ ءِ نیمگ ءَ 28 نومبر ءَتربت آپسر ءَپاکستانی لشکر ءِسر ءَ بیتگیں ارش ءِ تامر چہ بی ایل ایپ ءِ رسانکدری تندجاہ آشوب چینل ءَ شنگ کنگ بیتگ۔
تامر ءَ گندگ بیت کہ بی ایل ایپ ءِ سرمچاراں پیسر ءَ تربت شھر ءَ سنگر گپتگ ءُ نشتگ اَنت پاکستانی لشکر ءِ کاروان ھمے جاہ ءَسر بیت گڑا سرمچار گوں راکٹ لانچر ءُ آدگہ مزنیں سلاھاں کاروان ءِ سر ءَ ارش کن اَنت۔
ارش ءِ میان ءَیک گاڑی یے تچگ ءِ جھد ءَ کنت گڑا سرمچار انگت ءَ آ گاڑی ءَ نشانگ کن اَنت۔ چہ ایشی پد سرمچار دومی گاڑی ءَ گوں راکٹ لانچر ءُ مزنیں سلاھاں نشانگ کن اَنت۔ چہ راکٹ لانچر ءِ گولا ءِ لگگ ءَ گاڑی بُن کنتءُ سرجم ءَ تباہ بیت۔
چوش کہ اے ارش ءِ آسر ءَ سپاھی شاھد رمزان ءَ ھوار سے کارمند مرتگ ءُ دو کسانیں سروگان نائیک شمس الدین ءُ لانس نائیک امان اللہ سکا ٹپی بیتگ اَنت۔
