تربت : زور بیگواھیں زمان جان ءُ ابدُلھسن ءِکھول ءَ وتی شنگ کرتگیں درشانے ءَ گوشتگ کہ زمان جان ءُ ابدُلھسن ءِ زوریں بیگواھی ءِ بگیری ءَ سے روچ ءِ وھد داتگ اَت آ مرچی آسر بیت۔ انچوش کہ 16 دسمبر 2024 ءَزمان جان ء سپاھان، ابدُلھسن ء رھمت ءُ التاپ ء بھرام بیگواہ کنگ بیتگ اَنت۔ دو روچ ءَ پد التاپ جان یل کنگ بیتگءُزمان جان ءُ ابدُلھسن انگت بیگواہ اَنت۔
آئی ءَ گوشتگ کہ ایشی بگیری ءَ ما 20 دسمبر ءَ پریس کانپریس کرتگ اَت کہ دمگی چیئرمین ھوتمان مئے مردم وتی گس ءَ لوٹائینتگ ءُ بیگواہ کناھینتگ اَنت۔ ھمے پریس کانپریس ءَ ما سے روچ ءِ وھد داتگ اَت کہ اے سے روچ ءِ میان ءَ مئے زھگ یل کنگ نہ بوت اَنت ما وتی آھوکیں گامگیج ءِجار ءَ جن ایں، مرچی سے روچ سرجم بیتگ۔ انگت ءَ مارا مئے آزیزانی بابت ءَ ھچ وڑیں سرپدی دیگ ءَ نہ اَنت۔
آئی ءَ گوشتگ کہ ما باندا ھوشاپ ءَ سی پیک دگ ءَ بند کن ایں ءُ نند ایں، گوں درسیں مردماں لوٹ کن ایں کہ نندانک ءَمئے گون ءَ کمک بہ کن اِت۔
