اسلام آباد: بلوچ یکجھتی کمیٹی ءِ برجاھیں زھرشانی نندانک ءَ نشتگیں مردم چہ گیشیں سارتی ءِ سوب نادراھیانی آماچ اَنت۔
زھرشانی نندانک ءَ 43 روچ سرجم بوتگ ءُ انگت ءَ چہ بلوچستان ءِ جتائیں ھند ءُ دمگاں زور بیگواھیں مردمانی کھول آھگ ءُ زھرشانی ءَ نندگ ءَ اَنت۔
سرکار ءِ نیمگ ءَ زھرشانی ءَ نشتگیں مردمانی لوٹانی منّگ ءَ ابید کھول انگت ءَ اسلام آباد پولیس ءِ زوراکیانی آماچ اَنت۔ گوستگیں روچ ءَ اسلام آباد پولیس ءَ زھرشانی ءَ نشتگیں مردمانی ٹینٹ، کمبل ءُ ورگی سامانانی سر ءَ پابندی جتگ اَت۔
یات بہ بہ اِت کہ اے زھرشانی نندانک ءَ کسانیں زھگ، جنین ءُ پیرزال نشتگ اَنت۔ چہ گیشیں سارتی ءِ سوب ءَ مردم گیشں نادراھیانی آماچ بوان اَنت۔
