تربت: بلوچ راجدوستیں سروک استاد واھد کمبر ءِ زوریں بیگواھی ءِ بگیری ءَ 19 دسمبر ءَ تربت ءَ اتا شاد وانشجاہ ءَ داں شھید پدا اھمد چاراہ ءَ زھرشانی روانکے کشگ بوگ ءَ اِنت۔
پہ زھرشانی روانک ءِ بابت ءَ استاد واھد کمبر ءِ جنک ایڈوکیت شاری کمبر ءُ مھلب کمبر گوستگیں باز روچ اِنت کہ کیچ ءِ جتائیں ھنداں ترّ ءُ گرد کنگ ءُ مردماں سرپد کنگ ءَ اَنت۔ کیچ ءِ جتائیں سیاسی، چاگردی ءُ انسانی ھکّانی گل ءُ مردماں زھرشانی روانک ءِ پلہ مرزی کرتگ، ڈسٹرکٹ بار ایسوسی ایشن کیچ ءَ آمیدگس ءَ نہ روگ ءَ جار جتگ۔
استاد واھد کمبر ءِ جنک شاری کمبر ءُ مھلب کمبر ءَ گوں کیچ ءِ مردماں لوٹ کرتگ کہ آ زھرشانی روانک ءَ بھر بزور اَنت ءُ ھمے لوٹ ءَ بہ کن اَنت کہ استاد واھد کمبر آمیدگس ءَ پیش کنگ بہ بیت۔
