بلوچستان لبریشن پرنٹ ءِ جارکش میجر گھرام ءَ ماں رسانکدر ءَ وتی شنگ کُرتگیں درشانے ءَ گْوشتگ کہ سرمچاراں پانزہ دسمبر ءِ روچ ءِ سَے ءَ زامران ءِ زامُری ءَ ھر ءِ کور ءَ برجاھیں زورگریں پاکستانی لشکر ءِ چوکی ءِ سر ءَ اُرش کُرتگ۔
جارکش ءَ گْوشتگ کہ اُرش ءَ بی ایل ایپ ءِ اسنائپر ٹیکٹکل ٹیم ءَ بندات ءَ نشانک کُرتگ ءُ پاکستانی لشکر ءِ یک کارمندے کُشتگ۔پد ءَ گڑا سرمچاراں چوکی ءِ سر ءَ گوں ٹوھیں سلاھاں اُرش کُرتگ کہ چہ ایشی ءَ دژمن ءَ گیشتِر جانی ءُ مالی تاوان بیتگ۔
میجر گھرام ءَ گْوشتگ کہ سرمچاراں پانزہ دسمبر ءِ بیگاہ ءِ شش ءُ سی ءَ پنجگور ءَ برجاھیں زورگریں پاکستانی لشکر ءِ بنجل ءِ سر ءَ باز گرینیڈ لانچر جتگ کہ نشانگ ءَ کپتگ اَنت ءُ چہ ایشی ءَ دژمن ءَ جانی ءُ مالی تاوان بیتگ۔
آئی ءَ گْوشتگ کہ زورگریں پاکستانی لشکر کوہ سبز ءِ لشکرکشی ءَ شھید بیتگیں بلوچ بچانی شھید بیگ ءِ سر ءَ شاتکامی کنگ ءَ بیتگ اَنت کہ بی ایل ایپ ءِ انٹیلجنس ٹیم ءَ ھال داتگ ءُ اسپیشل آپریشن اسکواڈ ءَ ھمے وھد ءَ ھمے جاہ ءَ اُرش کُرتگ۔اے وھد ءَ زورگریں لشکر ءِ سروگان، آئی ایس آئی ءُ ایم آئی ءِ کارمنداں ھوار ھندی کشندہ ٹولی ءُ چریک ساڑی بیتگ اَنت۔ گرینیڈ لانچر نشانگ ءَ کپتگ اَنت کہ چہ ایشی ءَ زورگریں لشکر ءَ جانی ءُ مالی تاوان بیتگ۔
آئی ءَ گْوشتگ کہ آئی ایس آئی ءُ ایم آئی ءِ کارگس ھم ھمے بنجل ءِ تہ ءَ اِنت۔
بی ایل ایپ ءِ جارکش ءَ گْوشتگ کہ اُرش ءَ پد زورگریں پاکستانی لشکر ءَ تیرگْواری کُرتگ ءُ لس مردم زوراکی ءِ نشانگ کُرتگ اَنت، چہ ایشی ءَ ھمے پدر بیت کہ لشکر ءَ باز جانی تاوان بیتگ۔
آئی ءَ گْوشتگ کہ بی ایل ایپ گوں نوکیں جنگی رپکاں جتائیں ٹولی جوڑ کنگ ءُ زورگریں لشکر ءَ نشانگ کنگ ءَ اِنت،پمشکا زورگریں لشکر زھنی نادراھی ءِ آماچ اِنت،سرمچارانی سوبمندیں اُرشاں پد لس مردماں زوراکی ءِ نشانگ کنت۔
جارکش ءَ وتی درشان ءِ گُڈی ءَ اُرشانی زمہ واری منّ اِتگ ءُ گْوشتگ کہ داں پاکستانی لشکر چہ مئے سرڈگار ءَ در نئیت،زورگریں لشکر، آئی ءِ شوربندی ءُ چریکانی سر ءَ اُرش برجاہ بنت۔
