بلوچستان لبریشن پرنٹ ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں سیزدہ دسمبر ءَ آدینگ ءِ بیگاہ ءِ چار ءُ چِل ءَ چکاپ مند ءَ راہ بستگ ءُ دژمنیں لشکر ءِ دو ویگو گاڑی گوں نوک ءُ مزنیں سلاھاں نشانگ کرتگ۔ اُرش ءِ آسر ءَ لشکر ءِ چار کارمند مرتگ ءُ دو ٹپی بیتگ۔
آئی گوشتگ کہ سرمچاراں گوں سوھوی ءُ جنگی رپکانی رد ءَ اسنائپر ٹیکٹکل ٹیم ءِ ھمراھی ءَ ویگو گاڑی ءِ ڈرائیور نشانگ کرتگ ءُ پد ءَ اسپیشل آپریشن اسکواڈ ءَ گوں نوک ءُ مزنیں سلاھاں داں بیست دمان ءَ آدگہ کارمند نشانگ کرتگ اَنت۔ گاڑی ءَ شش کارمند سوار بیتگ کہ چار کارمند مرتگ ءُ دو ٹپی بیتگ ءُ گاڑی ءَ باز تاوان بیتگ۔ دگہ یک گاڑی یے جستگ بلے سرمچاراں آ گاڑی ھم نشانگ کرتگ۔
جارکش ءَ گوشتگ کہ اُرش ءَ دژمن ءَ سر کشگ ءِ موہ نہ رس اِتگ ءُ دژمن ءَ یک تیرے ھم آس نہ داتگ۔گوں نوکیں جنگی رپکاں دژمن ھنچو تُرس ءِ آماچ اِنت کہ چہ بنجل ءُ چوکیاں ڈن دراتک نہ کنت۔ ڈن ءَ کہ درکیت گڑا سرمچارانی تُرندیں اُرشانی نشانگ ءَ بیت۔پمشکا سَسّائی ءُ زھنی نادراھیانی آماچ اِنت۔
میجر گھرام ءَ وتی درشان ءِ گُڈی ءَ اُرش ءِ زمہ واری منّ اِتگ ءُ گوشتگ کہ داں بلوچستان ءِ آجوئی ءَ دژمنیں لشکر ءِ سر ءَ اُرش برجاہ بنت۔
