کلات: چہ منگوچر ءَ ھشت ءُ نوہ دسمبر ءِ میانی شپ ءَ زورگریں پاکستانی لشکر ءِ دست ءَ زور بیگواہ کنگ بیتگیں ماسٹر مھمد اسمائیل ءِ سے زھگ مھمبوب الی، ارشاد الی ءُ مرید الی ءِ زوریں بیگواھی ءِ بگیری ءَ مرچی یکبرے پد ءَ زھرشانی ءَ شال کراچی شھدگ بند کنگ بیتگ۔
زھرشانی ءَ ھندی مردماں بازیں کچے ءَ بھر زرتگ، بلوچ یکجھتی کمیٹی ءِ سروک ڈاکٹر سبیہ ءَ ھم اتکگ ءُ زھرشانی نندانک ءَ ساڑی اِنت۔
زھرشانی کنوکیں مردمانی گوشگ اِنت کہ ما پیسری رند ءَ زھرشانی کرتگ گڑا کلات انتزامیہ ءَ مارا دو روچ ءِ وھد لوٹ اِتگ کہ شمئے مردم آجو بنت، بلے دو روچ ءِ گوزگ ءَ پد ھم مئے آزیز انگت ءَ آجو کنگ نہ بیتگ اَنت۔
کھول ءِ گوشگ اِنت کہ زور بیگواھیں مرید اھمد سر ءَ شر نہ اِنت ماھے ءَ گیش پہ الاج ءَ نادراھجاہ ءَ بیتگ ءُ کمیں روچ بیت اتکگ۔
آئی ءَ گوشتگ کہ انتزامیہ ءِ نیمگ ءَ مئے گپ گوش دارگ نہ بیتگ ما پمشکا لاچار بیتگیں کہ زھرشانی ءَ شال کراچی دگ بند کرتگ۔
آئی ءَ گوشتگ دانکہ مئے مردم آجو نہ بیتگ اَنت ما وتی زھرشانی ءَ برجاہ دار ایں۔ منگچر ءِ مردم بیا اَنت ءُ مئے گون ءَ کمک بہ کن اَنت۔
