بلوچ لبریشن آرمی ءِ جارکش جیئند ءَ ماں رسانکدر ءَ وتی شنگ کرتگیں درشانے ءَ گوادر ءَ ارش ءِ زمہ واری من اتگ ءُ گوشتگ کہ بی ایل اے ءِ سرمچاراں گوادر ءَ مرچی سھب ءَ زورگریں پاکستانی لشکر نشانگ کرتگ ءُ دژمن ءِ دو کارمند مرتگ۔
آئی ءَ گوشتگ کہ سرمچاراں گوادر ءِ ھند دڑامب انکاڈو ءَ سنگر گپتگ ءُ دژمنیں لشکر ءِ یک پیادگیں ٹولی یے ءِ کارمند ھما وھد ءَ نشانگ کرتگ اَنت کہ آ پہ زورگریں لشکر ءِ کاروان ءِ پھازداری کنگ ءِ سنگرانی نیمگ ءَ روگ ءَ بوتگ اَنت۔ ارش ءَ دژمنیں لشکر ءِ دو کارمند جاھی مرتگ ءُ سے ٹپی بوتگ۔
جیئند ءَ گوشتگ کہ سرمچارانی دگہ یک ٹولی یے ءَ ترسوک ءُ تتکگیں کارمند نشانگ کرتگ اَنت چہ ایشی ءَ دژمن ءَ گیشتر تاوان بوتگ۔
