بلوچستان لبریشن پرنٹ ءِ جارکش میجر گھرام ءَ شال ءَ پاکستانی لشکر ءِ سر ءَ بمب اُرش ءِ زمہ واری من اِتگ ءُ گوشتگ کہ سرمچاراں شال ءَ پاکستانی لشکر ءِ یک چوکی یے گوں دستی بمب ءَ نشانگ کرتگ۔
آئی گوشتگ کہ شش دسمبر ءَ آدینگ ءِ شپ ءِ ھپت ءَ سرمچاراں بلوچستان ءِ بنجاھی شھر شال ءِ ھند بروری بائی پاس ءَ برجاھیں زورگریں پاکستانی لشکر ءِ یک چوکی یے ءِ سر ءَ گوں دستی بمب ءَ نشانگ کرتگ۔ اُرش ءَ پاکستانی لشکر ءَ جانی ءُ مالی تاوان بوتگ۔
آئی گوشتگ کہ اُرش ءَ پد پاکستانی لشکر ءَ ھمے ھند انگر کرتگ ءُ پٹ ءُ پول کرتگ ءُ گوں مھلوک زوراکی کرتگ۔ سرمچار اُرش ءَ پد پہ سلامتی وتی جاہ ءَ سر بوتگ اَنت۔
میجر گھرام ءَ گوشتگ کہ داں بلوچستان ءِ آجوئی ءَ پاکستانی لشکر ءِ سر ءَ مئے اُرش برجاہ بنت۔
