شال/دکی/چاگے ءَ تیرگواری ویلاں پنچ مردم بیران ءُ دو ٹپی بوتگ۔
بنشون ءِ رد ءَ شال ءِ ھند میان گُنڈی ءُ کلی زرین ءَ پجار نہ بوتگیں سلاہ بندیں مردماں رکشائے ءِ سر ءَ تیرگواری کرتگ کہ چہ ایشی ءَ شیر اھمد ءُ الی مھمد بیران بوتگ اَنت ءُ مھراللہ ٹپی بوتگ۔ بیران بوتگیں مردمانی لاش ءُ ٹپی بوتگیں مردم نادراھجاہ ءَ برگ بوتگ۔
دومی نیمگ ءَ دکی ءَ پجار نہ بوتگیں سلاہ بندیں مردماں اشکر کھنے ءَ تیرگواری کرتگ کہ چہ ایشی ءَ یک مردمے ٹپی بوتگ۔ پہ ایلاج ءَ نادراھجاہ ءَ برگ بوتگ۔
ھمے وڑ ءَ چاگے ءَ سلاہ بندیں مردمانی تیرگواری ءَ سئید اھمد ءُ الیاس بیران بوتگ اَنت۔ آیانی لاش نادراھجاہ ءَ برگ ءَ پد کھول ءِ دست ءَ دیگ بوتگ اَنت۔
سئیں ویلانی سوب ءُ کُشندہ انگت زانگ نہ بوتگ اَنت۔
