آواران: زورگریں پاکستانی لشکر ءُ چیریں ادارھانی کارمنداں بیڑ برتگ ءُ باران نامیں ورنایے آوار جتگ ءُ بیگواہ کرتگ۔
باران ء پکیر مھمد مشکے ءِ میتگ راھو جو ءِ جھمنند اِنت کہ آئی ءَ لڈ ءُ بار کرتگ ءُ آواران پیراندر گرائی ءَ اتکگ زمینداری کنگ ءَ بوتگ۔ پنچ روچ پیش پاکستانی لشکر ءُ چیریں ادارھانی کارمنداں آئی ءِ گیس ءَ بیڑ برتگ ءُ آوار جنگ ءَ پد بیگواہ کرتگ۔
ھندی بنشون ءِ رد ءَ باران ء پکیر مھمد 2019 ءَ ھم آوار جنگ ءُ بیگواہ کنگ بوتگ داں سے سال ءَ چیریں آزار جاھاں بیگواھی ءَ پد آجو بوتگ۔
