مردمی ھکانی کارکن ءُ زور بیگواھیں ڈاکٹر دین مھمد ءِ جنک سمی دین ءَ ماں رسانکدر ءَ وتی شنگ کرتگیں درشانے ءَ گوشتگ کہ بلوچستان ءَ مردمی ھکانی لگتمالی انگت ءَ تیز کنگ بوگ ءَ اِنت۔
آئی ءَ گوشتگ کہ ھزدار ءُ آواران ءَ چار بلوچ ورنایانی لاش دزکپتگ۔ لاش ھشت سال پیش بیگواہ کنگ بوتگیں آبدھسین ء گلام ھسین اومراڑی ءُ مستی ھان ء گھور ھان ءُ چہ آواران ءَ دزکپتگیں لاش پکیرجان ءُ ایسا ئیگ اِنت۔ اے دروگیں میڑ ءَ کشگ بوتگ اَنت۔
سمی دین ءَ گوشتگ کہ پکیرجان 26 ستمبر 2024 ءَ آئی گِس ءَ بیڑ برگ ءِ میان ءَ آوار جنگ ءُ ایسا 17 پروری ءَ بیگواہ کنگ بیتگ۔ چہ یک دھکے ءَ پیش بلوچستان ءَ ھمے وڑ ءَ زور بیگواھی ءَ پد ژانگولیں لاش چگل دیگ بیتگ اَنت، ھما شوندات نوں تیز کنگ بیگ ءَ اِنت، دانکہ بلوچستان ءَ زور بیگواھی ءُ چہ مردمی ھکانی بگیریاں مردم ترس ءِ آماچ بہ بنت۔
آئی ءَ گوشتگ کہ ما گوں مردمی ھکانی گلاں لوٹ کن ایں کہ ریاستی زوراکی ءُ مردمی ھکانی بگیریانی درگت ءَ دیم ءَ بیا اَنت کہ بلوچستان ءَ مردمی ھکانی بگیری ھمک روچ برجاہ اِنت ءُ اے وھد ءَ مردم ناوش اَنت ءُ ایشی آسر ھم شر نہ بیت۔
