شال: بولان میڈیکل کالج (بی ایم سی) ءِ نودربرانی زھرشانی نندانک ءَ مرچی چار روچ اِنت کہ وانشجاہ ءِ مزنیں دروازگ ءِ دیم ءَ برجاہ اِنت۔ اے وھد ءَ نودربر بازیں کچے ءَ سارتی ءَ سر ءَ نشتگ اَنت۔
زھرشانی کنوکیں نودربرانی گوشگ اِنت کہ وانشجاہ ءِ انتزامیہ ءُ پولیس کارمنداں وابجاہ پہ پندلے ءِ بنیاد ءَ دستیگ کرتگ چہ ایشی نودربرانی وانگ سانمند بوگ ءَ اِنت۔ وابجاہ ءُ تبکانی بند بوگ نودربرانی بنیادی ھکانی بگیری اِنت ءُ چہ ایشی نودربرانی باندات تباہ بیت۔
آیانی گوشگ اِنت کہ انوں پولیس ءَ وابجاہ ءَ بیڑ برتگ ءُ چہ لٹ شاپ ءَ نودربر ٹپی بوتگ اَنت ءُ باز نودربر دزگیر کنگ بوتگ۔ اے وڑیں ناشریں کاروائی بلوچ نودربرانی چہ وانگ ءَ دور دارگ اِنت۔
نودربرانی گوشگ اِنت کہ ما ھمے سرپد بہ ایں چہ سرکار ءِ نیمگ ءَ مئے میار وانگ اِنت ءُ سرکار مارا چہ وانگ ءَ زبھر کنگ لوٹ ایت۔
نودربراں لوٹ کرتگ ءُ گوشتگ کہ بی ایم سی ءِ وابجاہ پچ کنگ ءُ درسیں دزگیر کرتگیں نودربر یل کنگ بہ بنت۔
