بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ بارکان ءِ ھند بکاؤ ءِ دگ ءَ لھتے ناشرکارانی آھگ ءِ ھال گل ءِ انٹیلیجنس ونگ ءَ داتگ اَت ھمے بنیاد ءَ بی ایل ایپ ءِ سرمچاراں ونگاٹک ءَ شھدگ بستگ ءُ درسیں گاڑی پٹ ءُ پول کرتگ اَنت۔ دگ بندی ءُ پٹ ءُ پول ءِ کار مرچی 25 نومبر 2024 ءِ روچ ءَ سے ءَ داں بیگاہ ءِ پنچ ءَ برجاہ بوتگ۔
جارکش ءَ گوشتگ کہ ما بلوچ دژمناں کڈن کن ایں کہ وتی بلوچ دژمنی ءَ یل بہ کن اَنت اگاں زورگپتیں بلوچستان ءَ آ ھچ جاہ ءَ پھریز بوت نہ کن اَنت۔ اے وڑیں ناشرکار وتی گس، کارگس ءُ سپرانی میان ءَ ھم رک اِت نہ کن اَنت، بلوچ سرمچار کجام وھد ءُ کجام جاہ ءَ آیاں نشانگ کن اَنت ءُ میارباری ءِ سزا ءَ دے اَنت۔
میجر گھرام ءَ گوشتگ کہ بی ایل ایپ اے دگہ بندی ءِ زمہ واری منّ ایت ءُ چہ اے دگ بندی ءِ سوب ءَ کجام مساپر جنجال بوتگ پھلی لوٹ آں۔
