گوادر: جمیڑی ءَ چہ زورگریں پاکستانی لشکر ءِ لٹ شاپ کنگ ءَ ماھیگیرے بیران ءُ یکے ٹپی بوتگ۔
اے باروا بلوچ راجی زرمبشت ( بی این ایم ) ءِ مردمی ھکانی ادارہ پانک ءِ گوشگ اِنت کہ چہ پاکستانی لشکر ( کوسٹ گارڈ) ءِ اُرش ءَ گْوادر ءِ ھند جیمڑی ءِ جاہ منندیں بلوچ ماھیگیرے ابدالگپار بیران ءُ ابدالسمد نامیں مردمے ٹپی بوتگ۔
پانک ءِ رد ءَ اے اُرش کوسٹ گارڈ ءِ میجر اھمد ءِ پرمان ءِ رد ءَ کنگ بوتگ۔ ماھیگیرانی کاھک ٹکر جنگ بوتگ ءُ آ لٹ شاپ کنگ بوتگ اَنت۔ چہ ایشی آسر ءَ یک ماھیگیرے بیران بوتگ۔
اے ویل گْوادر ءِ ھندی مردمانی ترس ءَ گیش کنت کہ ریاستی ادارہ تیوک ءَ کوسٹ گارڈ ماھیگیراں نشانگ کنگ ءَ اِنت۔
