آواران: ھپت ماہ پیش زورگریں پاکستانی لشکر ءِ دست ءَ زور بیگواہ کنگ بوتگیں ھاسل ءِ کھول ءَ پاکستانی لشکر دلسیاہ کنگ ءَ اِنت کہ آئی زوریں بیگواھی ءِ گپ ءَ رد بہ کن اِت۔
ھاسل ء مھمد ھسن آواران ءِ ھند مشکے تنک ءِ جاہ منند 24 اپریل 2024 ءَ پاکستانی لشکر ءَ مشکے بنڈکی ءِ پانگس ءَ لوٹائینتگ ءُ زور بیگواہ کرتگ۔ ھپت ماہ ءِ گوزگ ءَ پد ھم دیم ءَ آرگ نہ بوتگ۔
بنشون ءِ رد ءَ زورگریں پاکستانی لشکر ءَ سے روچ اِنت کہ پد ماں پد ءَ زور بیگواھیں ھاسل ھان ءِ گس آھگ ءُ آئی کھول ءَ ترسینگ ءَ اِنت شما وتی تامربندے شنگ بہ کن اِت کہ ھاسل ءَ لشکر ءَ آوار نہ جتگ ءُ بیگواہ نہ اِنت۔
پاکستانی لشکر چہ گس ءَ آھگ ءَ ابید مشکے ءِ میتگ گجر ءَ وتی بنجل ءَ آھگ ءُ پیش بوگ ءِ لوٹ ءَ کنگ ءَ اِنت۔
