بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں سے جتائیں اُرشاں نوشکے ءَ زوراکی ءِ میان ءَ زورگریں لشکر ءِ کارمند، تربت ءَ دژمنیں لشکر ءِ پانگس ءُ شال ءَ چاریگ ءُ ریاستی کمکارے نشانگ کرتگ۔ اُرشاں چاریگ ءَ ھوار زورگریں لشکر ءِ سے کارمند مرتگ ءُ چار ٹپی بوتگ اَنت۔
آئی ءَ گوشتگ کہ بی ایل اے ءِ سرمچاراں پنچ شمبے ءِ شپ ءَ نوشکے ءِ ھند گوربرات ءَ زوراکی کنگ ءِ میان ءَ زورگریں لشکر ءِ کارمند گوں یک ارشے ءَ نشانگ کرتگ اَنت۔ سرمچاراں گوں وتکاریں سلاھاں اُرش کرتگ دژمن ءِ سر ءَ گرنیڈ لانچر ءِ باز گولا آس داتگ،اُرش ءَ دو دژمنیں کارمند جاھی مرتگ ءُ کم چہ کم چار ٹپی بوتگ اَنت۔
جارکش ءَ گوشتگ کہ زورگریں پاکستانی لشکر ءَ 19 نومبر ءَ نوشکے ءِ ھند منجرو، مکبلی، گوربرات ءَ ھوار لجے ءُ شورپارود ءِ نزیکیں ھنداں زوراکی کنگ ءَ بوتگ، داں سے روچاں لس آبادی زوراکیانی نشانگ کرتگ اَنت۔ گسانی ماندارگ ءِ ھواری ءَ لّس آبادیانی سر ءَ مارٹر ءِ گولا ءُ راکٹ آس داتگ۔
آئی ءَ گوشتگ کہ بی ایل اے ھمک وھد ءَ لس مردمانی پہ پھازداری ءَ چاڑیگ اِنت۔ دژمن ءِ زوراکیانی پسو گوں ترندیں اُرشاں دیگ بیت۔
جارکش ءَ گوشتگ کہ دگہ یک کاروائی یے ءَ دوشی بی ایل اے ءِ سرمچاراں شال ءِ ھند کچی بیگ، سریاب دگ ءَ زورگریں پاکستانی لشکر ءِ پرمان ءِ رد ءَ کارکنوکیں نسیب اللہ ء کیسر ھان مری جاہ منند مچ بولان تیرگواری کرتگ ءُ کشتگ۔
آئی ءَ گوشتگ کہ چاریگ ءُ کمکار نسیب اللہ پنام چھپا ءَ ھبیب ھان مری ءِ ھمراھی ءَ دژمن ءِ دیم ءَ سلاہ چگل داتگ اَنت۔ سلام کنگ ءَ پد نسیب اللہ زورگریں لشکر ءُ چیریں ادارھانی پرمان ءِ رد ءَ چاریگی کنگ ءَ بوتگ۔ مچ شھر ءُ کِر ءُ کشاں زورگریں لشکر ءِ میجر شیرجان ءَ چاریگ ءُ کمکارانی نیٹورک جوڑ کرتگ، نسیب اللہ ھما نیٹورک ءِ یک سروکے اَت۔
جارکش ءَ گوشتگ کہ رند ءَ 2018 ءَ دوران مری پنام بزرگ ءِ سلاھانی چگل دیگ ءَ پد نسیب اللہ ھما سروکی ءَ پہ دژمنیں لشکر ءَ کار کنگ بندات کرتگ، وھدیکہ زورگریں لشکر ءِ دست ءَ زھور مری ءِ زوریں بیگواھی ءَ ھم نسیب اللہ تچکی ءَ ھوار بوتگ۔ یات بہ بہ اِت کہ زھور مری زوریں بیگواھی ءَ پد زورگریں لشکر ءَ کشتگ ءُ ژانگولیں لاش چگل داتگ۔
آئی ءَ گوشتگ کہ بی ایل اے ءِ سرمچاراں کمکار نسیب اللہ کشتگ ءُ آئی درسیں ساز ءُ سامان دستیگ کرتگ اَنت۔ چہ کمکار ءِ موبائل ءَ نیٹورک ءَ ھواریں آدگہ کمکارانی نام ءُ راز پاشک بوتگ اَنت آیانی سر ءَ زوت کاروائی کنگ بیت۔
جارکش ءَ گوشتگ کہ انشپی بی ایل اے ءِ سرمچاراں تربت شھر ءَ بالی پٹ دگ ءَ برجائیں زورگریں لشکر ءِ یک پانگسے نشانگ کرتگ۔ سرمچاراں دژمنیں لشکر ءِ سر ءَ دستی بمب اُرشے کرتگ ایشی آسر ءَ دژمنیں لشکر ءَ جانی ءُ مالی تاوان بوتگ۔
جیھند ءَ سے ئیں اُرشانی زمہ واری منّ اتگ ءُ گوشتگ کہ زورگریں لشکر ءُ آئی شریدارانی سر ءَ مئے اُرش برجاہ بنت۔
