شال: زورگریں پاکستانی لشکر ءُ سی ٹی ڈی ءِ کارمنداں بیڑ برتگ ءُ ورنایے آوار جنگ ءَ پد بیگواه کرتگ.
اھوالکار ءِ رد ءَ دوشی اَدار دوازده ءَ پاکستانی لشکر ءُ سی ٹی ڈی ءِ کارمنداں شال ءَ اِی ون سٹی ءَ بیڑ برتگ ءُ بھزاد دلاوری نامیں نودربرے آوار جتگ.
بھزاد دلاوری پنجگور ءِ جاه منند اِنت ءُ آ گوستگیں روچاں پہ زانشتجاہ ءِ چکاس ءَ شال ءَ اتکگ که دوشی لشکری کارمنداں آ چه گس ءَ آوار جتگ ءُ بیگواه کرتگ.
آئی ءِ زوریں بیگواھی ءِ گپ بلوچ راجی زْرمبشت (بی این ایم) ءِ مردمی ھکانی ادارہ پانک ءَ ماں چاگردی رسانکدر ءِ تندجاہ ایکس ءَ وتی درشانے ءَ آوارجنی ءِ ھال راست کرتگ ءُ گوشتگ بھزاد دلاوری چه ایشی پیسر ھم 30 نومبر 2021 ءَ پاکستانی لشکر ءَ آوار جتگ ءُ چه بازیں آزار دیگ ءَ پد یل کرتگ.
