بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں مستونگ ءَ یک اُرشے ءَ زورگریں پاکستانی لشکر ءِ سے کارمند کشتگ ءُ پنچ ٹپی کرتگ اَنت۔
جارکش ءَ گوشتگ کہ سرمچاراں سپلنجی ءَ زورگریں پاکستانی لشکر ءِ یک کاروانے گوں چیر کرتگیں شورھاں نشانگ کنگ ءَ پد گوں راکٹ ءُ آدگہ مزنیں سلاھاں نشانگ کرتگ۔
آئی ءَ گوشتگ کہ اُرش ءَ دژمنیں لشکر ءِ بکتر بند گاڑی ءَ ھوار سے گاڑی زد ءَ آتکگ، ایشی آسر ءَ کم چہ کم سے دژمنیں کارمند مرتگ ءُ پنچ ٹپی بوتگ اَنت۔
جیھند ءَ گوشتگ کہ بی ایل اے ھمے اُرش ءِ زمہ واری ءَ منّ ایت۔
