بلوچستان آجوئی سنگر ( بی ایل ایپ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں 18 نومبر ءِ شپ ءَ کوھلو ءِ ھند کشک کوہ ءَ مکیں یوپون موبائل ٹاور مانداشتگ سولر ءُ جنریٹر ءَ ھوار درسیں سامان تباہ کرتگ اَنت۔
آئی ءَ گوشتگ کہ پاکستان وتی رھوتی نزام ءِ پارست ءَ داں بلوچ سرمچاراں سر بوگ ءُ موبائلاں ٹریس کنگ ءِ جھد ءَ کنگ ءَ اِنت۔ بلے گل ءِ سرمچار ءُ چیریں تک ھمک وھد ءَ ھمے شوربندی ءَ بے سوب کنگ ءَ اِنت۔ ایشی مول بلوچ سرمچارانی تاوان دیگ اِنت۔
جارکش ءَ گوشتگ کہ مرچیگیں نوکیں دھر ٹیکنالوجی ءِ اِنت ءُ بی ایل ایپ ءِ ٹیکنیکل ٹولی نوکیں ٹیکنالوجی ءِ کارمرز کنگ ءِ نپ ءُ تاوان ءِ باروا سرجم ءَ سرپد اَنت۔
میجر گھرام ءَ اُرش ءِ زمہ واری منّ اِتگ ءُ گوشتگ کہ داں بلوچستان ءِ آجوئی ءَ پاکستانی لشکر ءُ آئی شوربندیانی سر ءَ اُرش برجاہ بنت۔
