بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں شاپک ءُ شھرک ءَ زورگریں پاکستانی لشکر دو جتائیں اُرشاں نشانگ کرتگ، چہ ایشی زورگریں لشکر ءِ دو کارمند مرتگ اَنت۔
جارکش ءَ گوشتگ کہ 17 نومبر ءَ روچ ءِ یازدہ ءُ پنجاہ ءَ کیچ ءِ ھند شھرک ءَ ڈیم بازار ءَ سرمچاراں دژمن ءِ پیادگی ٹولی ءُ یک گاڑی یے گوں چیر کرتگیں شورھاں نشانگ کرتگ۔ اُرش ءَ زورگریں دژمنیں لشکر ءِ دو کارمند جاھی مرتگ اَنت۔ اے اُرش ءَ پد سرمچاراں دژمن ءِ پادگیں کارمند گوں وتکاریں سلاھاں نشانگ کرتگ اَنت، چہ ایشی دژمن ءَ گیش جانی تاوان بوتگ۔
آئی ءَ گوشتگ دگہ یک اُرشے ءَ سرمچاراں سیزدہ نومبر چارشمبے ءِ روچ ءَ سھب ءِ یازدہ ءَ شھرک ءَ برجاھیں زورگریں پاکستانی لشکر ءِ پانگس گوں نوک ءُ مزنیں سلاھاں نشانگ کرتگ۔ اُرش داں بیست دمان ءَ برجاہ بوتگ ایشی آسر ءَ زورگریں پاکستانی لشکر ءَ جانی ءُ مالی تاوان بوتگ۔
جارکش ءَ گوشتگ کہ اُرش ءِ دومی روچ ءَ لشکر ھمے ھند ءَ سر بوتگ لس مردم ترسینتگ اَنت اے زورگر ءِ پروش ءِ نشانی اِنت۔
میجر گھرام ءَ اُرشانی زمہ واری منّ اتگ ءُ گوشتگ کہ داں زورگریں لشکر ءِ درآھگ ءَ اُرشانی برجاہ دارگ ءِ کول ءَ کن ایں۔
