کیچ: میتاب ءَ پرندوشی زورگریں پاکستانی لشکر ءَ دو ورنا آوار جنگ ءَ پد بیگواہ کرتگ اَنت۔
اھوالکار ءِ رد ءَ زور بیگواھیں ورنایانی نام وھاب ء سکیداد ءُ سمیر ء سکیداد اِنت کہ بلیدہ ءِ میتگ میناز ءِ جاہ منند اَنت وت ماں وت ترزتک ءُ ناکوزتک اَنت۔ زورگریں پاکستانی لشکر ءَ چہ میتاپ ءَ ھما وھد ءَ آوار جتگ اَنت کہ آ پہ شکار ءَ شتگ اَنت۔
چہ آیانی آوار جنگ ءَ پد کھول ءِ مردم پاکستانی لشکر ءِ بنجل ءَ شتگ اَنت گڑا آئی یکبرے منّ اتگ کہ اے ورنا ما آوار جتگ اَنت، بلے ورنا انگت ءَ یل کنگ نہ بوتگ اَنت ءُ لشکر نوں آیانی آوار جنی ءَ منگ ءَ نہ اِنت۔
سمیر ء سکیداد ءِ باروا گوشگ بوگ ءَ اِنت کہ یکبرے پیسر ءَ ھم پاکستانی لشکر ءَ آوار جتگ، داں لھتے روچاں بازیں آزار دیگ ءَ پد یل کنگ بوتگ۔
