شال: بی ایم سی ءَ جنکیں نودربرانی وابجاہ ءَ پولیس کارمند بازیں کچے ءَ آتکگ اَنت ءُ پہ نودربرانی کشگ ءَ آیاں ترسینگ ءَ اَنت۔
اے باروا بلوچ اسٹوڈنٹس ایکشن کمیٹی ءِ جارکش ءِ گوشگ اِنت کہ بی ایم سی جنکیں نودربرانی وابجاہ ءِ دیم ءَ پولیس کارمند بازیں کچے ءَ اتکگ اَنت ءُ جنکیں نودربراں یکشل ءَ ترسینگ ءَ اَنت ءُ آیاں پہ زور چہ وابجاہ ءَ کشگ ءِ جھد ءَ کنگ ءَ اَنت۔
آئی ءِ گوشگ اِنت کہ وابجاہ ءِ آپ ھم بند کنگ بوتگ ءُ سرجمیں وابجاہ پولیس ءِ انگر ءَ اِنت۔
آئی ءَ دیمتر ءَ گوشتگ کہ چہ ایشی پیش پجار نہ بوتگیں نمبرانی پارست ءَ نودربر بیھار دیگ بوتگ اَنت کہ آ وابجاہ ءَ ھالیگ بہ کن اَنت اگاں نہ وتی زمہ وار وت اَنت۔
