بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں آواران، کیچ ءُ مچ ءَ زورگریں پاکستانی لشکر ءُ پولیس پنچ جتائیں اُرشاں نشانگ کرتگ اَنت۔
آئی ءَ گوشتگ کہ سرمچاراں آواران ءِ ھند گیشکور ھور ءَ یازدہ نومبر دوشمبے ءِ بیگاہ ءِ سے ءَ لیویز پانگس ءِ سر ءَ اُرش کرتگ ءُ اود ءَ ساڑی ئیں درسیں سلاہ دستیگ کرتگ اَنت ءُ لیویز کارمند بلوچ ءُ مردمگری ءِ بنیاد ءَ کڈن کرتگ ءُ یل داتگ اَنت۔
جارکش ءَ گوشتگ کہ دومی اُرش یازدہ نومبر ءِ شپ ءِ ھشت ءُ چل ءَ مچ بولان شھر ءَ پولیس گِس ءِ سر ءَ دستی بمب اُرشے کرتگ کہ اے پہ پولیس کارمنداں یک کڈنے کہ آ ریاستی پلہ مرزی ءَ یل بہ کن اَنت۔
آئی ءَ گوشتگ کہ سرمچاراں کیچ ءِ ھند بالگتر گڈگی ءَ واٹر سپلائی ءَ برجاھیں زورگریں پاکستانی لشکر ءِ پانگس ءِ سر ءِ یازدہ نومبر ءِ شپ ءَ ھشت ءَ گوں نوک ءُ مزنیں سلاھاں اُرش کرتگ چہ ایشی لشکر ءَ جانی ءُ مالی تاوان بوتگ۔
جارکش ءَ گوشتگ کہ بالگتر ءَ دومی اُرش ھمے وھد ءَ چمگ ءَ کرتگ کہ چہ ایشی زورگریں لشکر ءِ سر ءَ گوں مزنیں سلاھاں اُرش کرتگ چہ ایشی لشکر ءَ تاوان بوتگ۔
آئی ءَ گوشتگ کہ دگہ یک اُرشے سرمچاراں دوادہ نومبر سے شمبے ءِ بیگاہ ءِ ھپت ءَ کیچ ءِ ھند گورکوپ ءَ برجاھیں زورگریں پاکستانی لشکر ءِ سر ءَ گوں نوک ءُ مزنیں سلاھاں کرتگ ءُ دژمن ءَ جانی ءُ مالی تاوان بوتگ۔
جارکش ءَ گوشتگ کہ ما درسیں ھندی لشکر لیویز ءُ پولیس ءَ کڈن کن ایں کہ آ راجی زرمبشت ءِ بگیریں کار ءُ سرمچارانی رندگیری ءَ کنگ ءَ وت ءَ گستا بدار اَنت۔
آئی ءَ گوشتگ کہ بی ایل ایپ ایشی تچک کنت کہ بی ایل ایپ ءِ مول سرڈگار ءِ آجوئی اِنت ءُ سرڈگار ءِ آجوئی ءِ واب ءِ پیلو کنگ ءَ مئے سدانی کچ ءَ سرمچاراں پہ سرڈگار ءِ پھزیزگ ءَ وتی جانانی دیمونی داتگ۔
جارکش ءَ گوشتگ کہ راجی شھیدانی مول راجی دیمروئی بوتگ اے لیکہ ءِ بنیاد ءَ ما نہ لوٹ ایں کہ مئے دست ءَ چونیں ھم بلوچے تاوان بہ بیت بلے ما ھم گوشگ لوٹ ایں کہ راجدروھیں ھمک مردم میار بار اِنت ءُ میاربار ءِ سزا مرگ اِنت۔
میجر گھرام ءَ اُرشانی زمہ واری منّ اتگ ءُ گوشتگ کہ داں بلوچستان ءِ آجوئی ءَ ریاستی لشکر ءَ نشانگ کن ایں۔
