بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں شال ءَ زورگریں پاکستانی لشکر ءِ چیریں ادارہ ملٹری انٹیلیجنس ( ایم آئی ) ءِ چاریگ ءُ کمکار دشتی ھان تیرگواری کرتگ ءُ کشتگ۔
جارکش ءَ گوشتگ کہ سرمچاراں اے کاروائی دوشی شال ءِ سریاب مل ءَ کرتگ۔
آئی ءَ گوشتگ کہ چاریگ ءُ کمکار دشتی ھان کرد ء امان الله برما ھوٹل سریاب ءِ جاه منند اِنت کہ جتائیں میارباریاں پہ بی ایل اے ءَ شکی بوتگ۔ آئی میارباریانی تہ ءَ زورگریں پاکستانی لشکر ءُ چیریں اداره ءِ جوڑ کرتگیں وتگڑیں کشندہ ٹولی ءُ ملٹری انٹیلیجنس ءُ سی ٹی ڈی ءِ کمکاری ھم ھوار اَنت۔
جارکش ءَ گوشتگ کہ چاریگ ءُ کمکار دشتی ھان سریاب ءَ گسانی سر ءَ بیڑ برگ ءَ دژمنیں لشکر ءِ گون ءَ شریدار بوگ ءِ ھواری ءَ بلوچ ورنایانی زوریں بیگواھی ءُ دروگیں میڑاں ورنایانی کوش ءَ تچکی ءَ ھوار بوتگ۔
آئی ءَ گوشتگ کہ اے کمکار چہ لس بلوچاں باجگری گرگ، توپک ءِ زور ءَ ورنایانی بلیک میل کنگ، آیانی چاگردی سلکاریاں کارمرز کنگ ءَ ھوار بوتگ۔
جارکش ءَ گوشتگ کہ راجی میارباری سرزد بوگ ءَ بلوچ راجی آمیدگس ءَ دشتی ھان مرگ ءِ سزا داتگ آ بی ایل اے ءِ سرمچارانی نشانگی لڑا ھوار بوتگ کہ گوستگیں شپ ءَ سرمچاراں ایشی سر ءَ کار کرتگ۔
جیھند ءَ آئی ءِ کوش ءِ زمہ واری منّ اِتگ ءُ گوشتگ کہ آئی نیٹورک ءَ ھواریں آدگہ مردماں دشتی ھان ءِ وڑ ءَ زوت گڈی آسر ءَ سر کن ایں۔
