بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ مرچی شال ءَ سھب ءِ ھشت ءُ بیست ءَ بی ایل اے ءِ پدائی بھرگ مجید برگیڈ ءَ زرگون دگ ءِ نزیک ءَ شال ریلوے اسٹیشن ءَ پہ روگ ءَ چن ءُ لانچ ءَ بوتگیں پاکستانی لشکر ءِ نان کمیشنڈ اپسرانی یک ٹولی یے پدائی اُرش ءَ نشانگ کرتگ۔ پاکستان ءِ زورگریں لشکر ءِ نیمگ ءَ بلوچستان ءِ سرڈگار ءِ سر ءَ برجاھیں زورگپتی، زوراکی ءُ مستونگ ءَ کودکیں زھگانی سر بوتگیں زوراکیانی پسو داتگ ءُ بی ایل اے ءِ مجید برگیڈ ءِ نہ ترسیں پدائی شھید سنگت پدائی مھمد رپیک بزنجو پنام وشین دژمن نان کمیشنڈ اپسر ءِ ٹولی نشانگ کرتگ۔ اے اُرش ھما وھد ءَ کنگ بوتگ کہ اے لشکری کارمند چہ دی اسکو آپ انپنٹری ایڈ ٹیکٹکس شال ءَ ھیلکاری ءِ سرجم کنگ ءَ پد جاپر ایکسپریس ءِ پارست ءَ وتی گسانی نیمگ ءَ واتر روگ ءَ بوتگ اَنت۔ اے سوبمندیں کار ءَ کم چہ کم سی ءُ یک لشکری کارمند مرتگ ءُ شست ءَ گیش ٹپی بوتگ اَنت۔
آئی ءَ گوشتگ کہ بی ایل اے ءِ مجید برگیڈ ءِ پدائی اُرش ءَ نشانگ بوتگیں دژمنیں لشکر ءِ کارمندانی سیادی گوں پاکستانی لشکر ءِ پنجاپ رجمنٹ، ناردرن لائٹ انپنٹری رجمنٹ، سند رجمنٹ، پرنٹیئر پورس رجمنٹ، بلوچ رجمنٹ ءُ آزاد کشمیر رجمنٹ ءَ بوتگ۔ اے شال ءَ انپنٹری وانگجاہ ءَ ھیلکاری ءَ پد واتر روگ ءَ بوتگ اَنت۔
جارکش ءَ گوشتگ کہ اے سوبمندیں اُرش گل ءِ انٹیلیجنس بھرگ ”زراب“ ( زیفرانٹیلیجنس ریسرچ اینڈ انالیس بیورو) ءِ چہ مزنیں شوربندی ءُ چہ بے مٹیں انٹیلیجنس ءِ کاروشونیانی برورد ءَ کنگ بوتگ۔ زراب ءَ دژمن ءِ ھمک ترّ ءُ گرد ءِ سر ءَ گوں ھورتچاری ءَ چم سک داشتگ اَنت ءُ تھی ءُ ڈنی بنشون کارمرز کرتگ اَنت ءُ سرپدی یکجاہ کرتگ۔ اے آپریشن ءِ شوربندی داں چُنت روچاں برجاہ بوتگ ءُ مئے انٹیلیجنس ءَ دژمن ءِ ھمک ترّ ءُ گردانی سر ءَ ھورتچاری کرتگ۔ مارا ھشت نومبر ءِ روچ ءَ اے کاروان ءِ سر ءَ ارش کنگ ءِ موہ رستگ،بلے شھرمنندانی مزنیں کچے ساڑی بوتگ ھمے سوب ءَ ما اے کاروائی ماٹو کرتگ دانکہ بے میارانی جان پھریزگ بہ بنت۔ وھدے کہ 10 نومبر ءَ دگہ یک مزنیں ٹولی یے روگ ءِ چن ءُ لانچ بوتگ بلے زراب ءِ سرپدیانی بنیاد ءَ آیانی کچ پنجاہ ءِ نزیک ءَ اِنت مرچی موہ شر بوتگ کہ لشکری کارمندانی کچ دو سد ءَ گیش بوتگ اَنت ءُ لس مردمانی تاوان ءِ ترس کم بوتگ۔ زراب ءِ سوبمندیں شوربندی ءُ مئے گل ءِ لشکری توان ءُ انٹیلیجنس ءِ شوربندی ءَ ھمے گپ پدر کرتگ کہ بلوچستان ءِ آجوئی زرمبشت نہ تیوک ءَ گوں دیمپانی جنگ ءَ اِنت بلکیں انٹیلجنس ءِ جھان ءِ تہ ءَ مزنیں دزرسے ھست۔ ما پہ وتی سرڈگار ءِ آجوئی ءَ ھرپیمیں دیمونی دیگ ءَ چاڑکہ ایں ءُ ھم پہ وتی مردمانی پھرہزگ ءَ ھر وڑیں دیمونی دیگ ءَ چک ءُ پد نہ بہ ایں۔
آئی ءَ گوشتگ کہ دژمنیں لشکر ءِ سر ءَ بی ایل اے ءِ سوبمندیں اُرش گل ءِ ایلیٹ پدائی بھرگ مجید برگیڈ ءِ ” زراب“ ءِ کمک ءَ کنگ بوتگ۔ پدائی اُرش کنوکیں ورنا شھید سنگت پدائی مھمد رپیک بزنجو پنام وشین، پنام پھیم ء مراد الی بزنجو ھب ءِ جاہ منند اِنت۔ پدائی رپیک بزنجو گوستگیں یک دھکے بیت بلوچستان ءِ آجوئی جھد ءَ سیاسی ءُ لشکری کرد پیلو کنگ ءَ بوتگ۔ آئی ءَ سیاست 2013 ءَ چہ بلوچ نودربر گل ءَ بندات کرتگ۔ آئی چہ بے سلاہ ءُ پرایمنیں سیاسی کاراں پاکستانی لشکر ءِ دست ءَ شھیدی ءُ زوریں بیگواھی دیستگ اَنت داں ھمے آسر ءَ سر بوتگ کہ بلوچستان ءَ ایمن، راجمستری ءُ بے آزاردھی سیاست ءِ درسیں راہ بند کنگ بوتگ اَنت۔ پمیشکا آئی سال 2017 ءَ بی ایل اے ءِ جنگ ءَ سلاہ بندیں جھد بزاں چیر جنگی گچین کرتگ۔ آئی ءَ وتی جھد چہ شھری چیرجنگی ءَ بندات کرتگ ءُ پد ءَ کوہ ءَ شتگ۔ پدائی رپیک بزنجو ءَ سال 2023 ءَ وتی واھشت پہ مجید برگیڈ ءَ پیش کرتگ ءُ پدائی جوڑ بوگ ءِ راہ گچین کرتگ۔ یک سالے ءَ گیش چہ ترندیں ھیلکاریاں گوزگ ءَ پد آئی نو نومبر 2024 ءَ وتی گڈی آسر ءَ سوبین بوتگ ءُ وتی کاروائی پیلو کرتگ پہ بلوچ راج ءُ سرڈگار ءَ گوستانک ءِ تاکدیماں ابدمان بوتگ۔ شھید پدائی سنگت رپیک بزنجو ءِ توکل، وتن دوستی ءُ وت ءَ پہ راجی آجوئی ءَ دیمونی دیگ ءِ کارشونی ءَ ھمے پیش داشتگ کہ بلوچ راج ءِ پسگ پہ وتی سرڈگار ءِ پھازداری ءَ چنچو جاڑیگ اَنت۔ شھید ءِ دیمونیاں دژمن ءَ را ھمے کلوہ داتگ کہ بلوچستان ءِ پہ آجوئی ءِ راہ ءَ چونیں ھم اڑاند سکا مزن نہ اِنت۔ پدائی رپیک بزنجو ءِ بے دروریں نہ ترسی ءُ بے ترسیں ارادہ ءَ نہ تیوک ءَ دژمن ءَ را سکا تاوان داتگ بلکیں مئے زرمبشت را ءَ یک نوکیں جوش ءُ جوزگے بکش اِتگ۔ آئی بے مٹیں دیمونی مدام یاد کنگ بنت ءُ پہ آھوکیں پدریچاں نہ ترسی ءِ بے مٹیں درورے بنت۔
جارکش ءَ گوشتگ کہ ما گوں تچکیں دانکاں گوش ایں کہ پاکستانی لشکر ءُ آئی سرکار ءَ کڈن کن ایں کہ اگاں بلوچستان ءِ سرڈگار ءِ سر ءَ وتی زوراکیاں ھلاس نہ کنت، لشکر مئے سرڈگار ءِ سر ءَ چہ وتی زورگپتی ءَ دزکش نہ بیت ءُ کودکیں بلوچانی کشت ءُ کوش ءَ برجاہ دار ایت گڑا مئے آھوکیں اُرش سکا ترند ءُ مزن بنت ءُ آیانی ترندی پاکستان ءِ بنجاھی شھرانی تہ ءَ مارگ بیت۔ پاکستان پہ گیشیں ھونریچی ءَ پھریزگ ءُ بلوچستان ءِ پہ مھمکی ءَ زوت وتی لشکر ءَ واتر بہ کش ایت ءُ بلوچستان ءِ وتواکی ءُ آجوئی ءَ بہ منّ ایت۔ ما دو پرایمنیں ھمساھگانی وڑ ءَ نشت کن ایں۔ مئے زرمبشت ایمنی لوٹ ایت، بلے اگاں زوراکی ءِ پسو دیگ ھژدری بہ بیت گڑا پشت ءَ نہ کنز ایں۔ بلوچستان ءِ ھمک مردم پہ وتی آجوئی ھک ءَ مڑگ ءَ چاڑکہ اِنت ءُ مرچیگیں کاروائی ھمے گپ ءِ پدریں کلوہ اِنت کہ مئے آجوئی جوزگ ھچ وڑیں زوراکیں توانمندانی دیم ءَ سر جھل نہ کنت۔
جیھند ءَ گوشتگ کہ گڈی ءَ بی ایل اے گوں میان استمانی تک ءَ دلگوش ءَ گور کنت کہ آ بلوچ راجی آجوئی گوستانک، لیکہ ءُ سیاسی لوٹانی سرپد بوگ ءِ جھد ءَ بہ کن اَنت ءُ بلوچانی گون ءَ اے درکانودی دیمپانی جنگ ءَ مئے کمک ءَ بہ کن اَنت۔ پاکستانی سرکار ءُ لشکر ءَ یاد کنگ لوٹ ایت کہ بلوچانی آجوئی ءِ واھشت کسی مھتاج نہ اِنت، ءُ ھمک گوزوکیں روچ ءَ مئے مول گیشتر نزیک بوگ ءَ اِنت۔
