مستونگ: بلوچ یکجھتی کمیٹی ءِ سروک ڈاکٹر ماہ گوستگیں روچ ءَ بمب تراک ءَ بیران بوتگیں زھگانی پرس ءَ شتگ ءُ زھگانی بیرانی ءِ سر ءَ بژن درشان کرتگ ءُ گوشتگ کہ مستونگ ءِ مردماں پہ آیانی بھادری ءُ مزن زانتی ءِ سوب ءَ سزا دیگ ءَ اَنت۔ دژمن چہ پل گونگیں زھگاں ترس ایت۔
آئی ءَ گوشتگ کہ مستونگ ءِ بمب تراک بلوچ چکچینی ءِ درچ اِنت ءُ دژمن انچوش کور بوتگ کہ کودکیں زھگاں ھم نہ بکش ایت۔
ڈاکٹر ماہ رنگ ءَ گوشتگ کہ مستونگ بلوچستان ءِ راجکاری ءُ گھگیری ءِ بنجاہ اِنت۔ پہ زانت مستونگ ءِ جاور ناگیگ کنگ بوگ ءَ اَنت دانکہ مردم پہ وتی ھکاں در مہ کپ اَنت۔ وانگجاہ ءِ زھگانی نشانگ کنگ ءِ مول ھمیش اِنت کہ بلوچ چہ وانگ ءُ زانگ ءَ دور بہ بیت ءُ وتی گون ءَ بیوکیں چہ زوراکیاں بے سما بہ بیت۔
