پیشوکان/ دشت: بلوچ راجی زرمبشت ( بی این ایم ) ءِ نیمگ ءَ جتا جتائیں جاھاں دیوال نبیسی کنگ بوتگ۔
اھوالکار ءِ رد ءَ گْوادر ءِ ھند پیشوکان ءَ دوشی جتا جتائیں جاھاں بی این ایم ءِ باسکاں سیزدہ نومبر بلوچ شھیدانی روچ ءِ درگت ءَ دیوال نبیس اِتگ اَنت۔
ھمے وڑ ءَ دشت ءِ کلدان ءَ دوشی جتا جتائیں جاھاں بی این ایم ءِ نیمگ ءَ دیوال نبیسی کنگ بوتگ۔
پیشوکان ءُ کلدان ءَ دیوالانی سر ءَ سیزدہ نومبر ءُ بلوچستان ءِ آجوئی ءِ لوٹ ءِ باروا جتا جتائیں اوگام نبشتہ کنگ بوتگ اَنت۔
یات بہ بہ اِت کہ بی این ایم ءِ نیمگ ءَ بلوچستان ءِ جتائیں ھند ءُ دمگاں دیوال نبیسی کنگ ءِ درچ برجاہ اِنت۔ دو روچ پیش کولواہ ءِ جتائیں جاھاں دیوال نبیسی کنگ بوتگ اَت، پرندوشی پسنی ءُ دوشی گْوادر ءِ جتائیں ھنداں ھوار دشت ءَ ھم دیوال نبیسی کنگ بوتگ۔
