ھزدار: زورگریں پاکستانی لشکر ءِ دست ءَ بیگواھیں سلمان ءِ کھول ءَ وتی شنگ کرتگیں درشانے ءَ گوشتگ کہ سلمان ءِ زوریں بیگواھی ءَ دو سال سرجم بوگ ءِ درگت ءَ زھرشانی روانکے کش ایں۔
آئی ءَ گوشتگ کہ اے روانک 7 نومبر 2024 ءَ بیگاہ ءِ سے ءَ چہ شھید ابدرزاک چاراہ ءَ کشگ بیت ءُ داں آزادی چاراہ ءَ آسر بیت۔
کھول ءِ گوشگ اِنت کہ سلمان 13 نومبر 2022 ءَ چہ شال ءَ زور بیگواہ کنگ بوتگ کہ انگت بیگواہ اِنت۔
آئی ءَ گوں مردم دوست، سیاسی ءُ چاگردی کارکن، وکیل، نودربر، اھوالکار ءُ درسیں بھرگاں سیادی داروکیں مردمانی گون ءَ لوٹ کرتگ کہ آ اے روانک ءَ بھر بہ بنت۔ مئے مول لس مردمانی شیوار کنگ ءُ زوریں بیگواھی ءِ بگیری ءَ توار چست کنگ اِنت۔
آئی ءَ گڈسر ءَ گوشتگ کہ گوں ایشی ھواری ءَ 7 نومبر ءَ شپ ءِ ھشت ءَ داں دوازدہ ءَ ایکس ءَ یک کمپینے برجم دارگ بیت درسیں مردم بھر بزور اَنت مئے جھد ءَ یک توکلے بکش اَنت۔
