گوادر: زورگریں پاکستانی لشکر ءِ دست ءَ بیگواہ کنگ بوتگیں ورنا ایوب ءُ مھراج سی ٹی ڈی ءِ دست ءَ دیگ بوتگ اَنت۔
اھوالکار ءِ رد ءَ ایوب ء ھمزہ دشت ءِ میتگ بشولی ءِ جاہ منند اِنت ءُ مھراج دشت مکسر ءِ جاہ منند اِنت۔ پاکستانی لشکر ءَ 26 ءُ 27 سمبر ءِ شپ ءِ دوازدہ ءُ نیم ءَ چہ گْوادر ءِ ھند نیو ٹاون ءَ آوارجتگ ءُ بیگواہ کرتگ اَنت۔
دوئیں ورنا ماھے ءِ زوریں بیگواھی ءَ پد سی ٹی ڈی ءِ دست ءَ دیگ بوتگ اَنت ءُ آیانی سر ءَ دروگیں کیس جنگ بوتگ۔
بنشون ءِ رد ءَ گوں ایشاں ھوار اجاز ء ھسین نامیں ورنایے بیگواہ کنگ بوتگ اَت۔ آ دو روچ پیش آجو بوتگ ءُ وتی گِس ءَ سر اِنت۔
