شال: شھید رزا جھانگیر ءِ شائری کتاب ” مادریں ھاک“ چہ کلوہ شنگکاری ءِ نیمگ ءَ چاپ ءُ شنگ بوتگ۔
کلوہ پبلیکیشنز شال ءِ نیمگ ءَ ماں رسانکدر ءَ شنگ بوتگیں جارے ءَ گوشگ بوتگ کہ شھید رزا جھانگیر ءِ شائری کتاب” مادریں ھاک“ شمارا ماں بلوچستان ءُ کراچی ءِ کتابجاھاں دست کپ ایت.
شھید رزا جھانگیر بلوچ نودربر گل آزاد ( بی ایس او آزاد ) ءِ بنجاھی کارگشاد اَت کہ 14 اگست 2013 ماں کیچ ءِ بنجاھی شھر تربت ءَ گوں بی این ایم ءِ کلانھیں باسک شھید امداد بجیر ءِ ھواری ءَ شھید کنگ بوت۔
شھید رزا جھانگیر باز شئیر ماں تاک ءُ مھتاکاں شنگ بوتگ ءُ بلوچی زبان ءِ گشندھاں ھم گوشتگ اَنت۔
