بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ آواران ءِ ھند بزداد ءُ کیچ ءِ ھند زامران ءَ سرمچاراں زورگریں پاکستانی لشکر ءِ پانگس نشانگ کرتگ اَنت۔ چہ ایشی دو کارمند مرتگ ءُ یکے ٹپی بوتگ۔
آئی ءَ گوشتگ کہ یک شمبے ءِ روچ ءَ بیست اکتوبر ءِ بیگاہ ءِ چار ءَ زامران ءِ ھند ڈیلکک ءَ برجاھیں پاکستانی لشکر ءِ پانگس ءِ سر ءَ اُرش کرتگ۔ اُرش ءِ آسر ءَ زورگریں لشکر ءِ یک کارمندے مرتگ ءُ یکے ٹپی بوتگ۔
جارکش ءَ گوشتگ کہ دوشمبے بیست ءُ یک اکتوبر ءِ بیگاہ ءِ سے ءَ سرمچاراں آواران ءِ ھند بزداد گندہ کور ءَ برجاھیں پاکستانی لشکر ءِ پانگس گوں اسنائپر اُرش ءَ نشانگ کرتگ یک لشکری کارمندے مرتگ۔
میجر گھرام ءَ اُرشانی زمہ واری منّ اتگ ءُ گوشتگ کہ داں زورگریں پاکستانی لشکر ءِ سرجم ءَ در آھگ ءَ لشکر ءُ آئی شوربندیاں نشانگ کن ایں۔
