تربت: بھمن ءَ پاکستانی لشکر ءِ جوڑ کرتگیں چیریں ادارھانی کارمنداں ورنایے بیگواہ کرتگ۔
اھوالکار ءِ رد ءَ زوربیگواہ کنگ بوتگیں مردم ءِ نام سهيل ء ابداللہ اِنت کہ آ تمپ ءِ میتگ دازن ءِ جاہ منند انت ءُ 11 اکتوبر 2024 ءَ چیریں ادارھانی کارمنداں آوار جتگ ءُ بیگواہ کرتگ۔
زوربیگواھیں سھیل ءِ بابت ءَ گوشگ بوگ ءَ اِنت آ نادراھ اِنت ءُ درمان کنگ ءَ بوتگ کہ آوار جنگ ءُ بیگواہ کنگ بوتگ۔
یات بہ بہ اِت کہ ایشی ءَ پیش ھم پاکستانی لشکر ءُ چیریں ادارھانی کارمنداں سھیل چہ آئی گس ءَ نو ستمبر 2022 ءَ آوار جتگ ءُ بیگواہ کرتگ اَت بازیں آزار دیگ ءَ پد آ 2 پروری 2023 ءَ یل کنگ بوتگ اَت کہ انوں 11 اکتوبر 2024 ءَ آ دومی بر ءَ آوار جنگ ءُ بیگواہ کنگ بوتگ۔
