بالگتر: کیلکور ءَ دوشی زورگریں پاکستانی لشکر ءِ زوراکیانی بگیری ءَ مردماں مرچی بالگتر سھاکی ءَ زھرشانی ءَ سی پیک دگ بند کرتگ۔
اھوالکار ءِ رد ءَ دوشی شپ ءِ دو ءَ کیلکور پل مک ءَ بیڑ برتگ ءُ بازیز ء ھالکداد آوار جتگ ءُ بیگواہ کرتگ۔ چہ پاکستانی لشکر ءِ لٹ شاپ ءُ زوراکیاں بازیز ءِ مات ءُ گھار ٹپی بوتگ اَنت۔
بازیز ءِ کھول ءَ گوں ھندی مردمانی ھمراھی ءَ بالگتر سھاکی ءَ زھرشانی ءَ سی پیک دگ بند کرتگ۔
کھول ءَ لوٹ کرتگ ءُ گوشتگ کہ بازیز یل کنگ بہ بیت ءُ مئے کھول ءِ گون ءَ انساپ کنگ بہ بیت۔دانکہ بازیز یل کنگ نہ بوتگ ما وتی زھرشانی ءَ برجاہ دار ایں۔
کھول ءَ گوں نزیکیں ھندانی مردماں لوٹ کرتگ ءُ گوتگ کہ بیا اَنت ءُ مئے زھرشانی نندانک ءَ ھوار بہ بنت۔
یات بہ بہ اِت کہ زی بیگاہ ءَ چہ کیلور ءِ چوٹین ءَ لیواری ء پکءر داد ءُ زباد آوار جنگ ءُ بیگواہ کنگ بوتگ اَنت۔
