بلوچ یکجھتی کمیٹی ءِ سروک ڈاکٹر ماہ رنگ ءَ ماں چاگردی رسانکدر ایکس ءَ وتی شنگ کرتگیں درشانے ءَ گوشتگ کہ یکبرے پد ءَ پاکستانی چیریں ادارہ، سند پولیس ءُ پاکستان پیلز پارٹی ءِ استانی سرکار ءَ زور کارمرز کرتگ ءُ زوریں بیگواھیانی بگیری ءَ پہ یک ایمنیں زھرشانی یے ءِ دارگ ءَ کراچی ءَ بلوچ یکجھتی کمیٹی ءِ کمک سرکماش لالا وھاب ءُ آدگہ ھمبل دزگیر کرتگ اَنت۔
آئی ءَ گوشتگ کہ آجوئی ءِ گپ ءِ سر ءَ اے وڑیں اُرش زوراکی ءِ گنتریں درشم ءَ پیش دار ایت۔
ڈاکٹر ماہ رنگ ءَ گوشگ اِنت انوگیں ھپتگ ءَ درزنانی کچ ءَ بلوچ ورنا نودربر بلوچستان ءَ ھوار چہ کراچی ءَ زور بیگواہ کنگ بوتگ اَنت۔ اے زوریں بیگواھی ءُ بلوچستان ءَ برجاھیں مردمی ھکانی لگتمالی ءِ بگیری ءَ چست بوتگیں توار گوں آزاراں بے توار کنگ بوگ ءَ اَنت۔
آئی ءَ دیمتر ءَ گوشتگ کہ مردمی گل ءُ شھری آجوئی ءِ سر ءَ زوراکیں اُرش میان نیارگ نہ لوٹ ایت۔
