نوشکے/ تربت: زورگریں پاکستانی لشکر ءَ دہ مردم آوار جنگ ءَ پد بیگواہ کرتگ اَنت۔
چہ نوشکے ءَ زور بیگواہ کنگ بوتگیں مردمانی نام ماسٹر پرید اھمد ء ھاجی دولت ھان بادینی، ابدلمالک ء ھاجی کرم ھان، ممتاز ء ھاجی امان اللہ، اکبال ء ھاجی امان اللہ، ھبیب اللہ ء الی دوست،شریپ جان ء پراموس ھان، شاہ سلیم ء ھاجی پزل ھان، زھور جان ء ھاجی پزل ھان ءُ اسپند ء نجیب اللہ ءِ اِنت۔
اے درسیں مردم زورگریں پاکستانی لشکر ءُ چیریں ادارھانی کارمنداں 8 ءُ 9 اکتوبر ءَ نوشکے ءِ ھند تاڑیز ءُ بدل کاریز ءِ جتائیں جاھاں بیڑ برتگ ءُ آوار جتگ اَنت۔
بنشون ءِ رد ءَ چہ کلات ءَ زور بیگواہ کنگ بوتگیں ورنا ءِ نام ابدالمالک ء مھمد یوسپ اِنت کہ کیچ ءِ ھند تربت ءِ جاہ منند اِنت کہ سی ٹی ڈی ءِ کارمنداں 11 اکتوبر ءَ شپ ءِ یازدہ ءُ نیم ءَ آوار جتگ ءُ بیگواہ کرتگ کہ انگت بیگواہ اِنت۔
ابدالمالک ءِ کھول ءَ گوں مردمی ھکانی ادارھاں پہ آئی آجوئی ءَ توار چست کنگ ءِ لوٹ کرتگ۔
